(နိုင်ငံတကာ)ဧပြီ ၃၀
အိန္ဒိယအလံလွှင့်ထူထားသော သင်္ဘောများသည် ဟော်မုဇ်ရေလက်ကြား (Strait of Hormuz) ကို မည်သည့်ကန့်သတ်ချက်မျှမရှိဘဲ ဘေးကင်းလုံခြုံစွာ ဖြတ် သန်းနိုင်ကြောင်း အိန္ဒိယနိုင်ငံဆိုင်ရာ အီရန်သံအမတ်ကြီးက အတည်ပြုပြောကြားခဲ့သည်။ ယင်းမှာ နှစ်နိုင်ငံသံတမန်ရေးအရ ကြိုးပမ်းမှုများ၏ ရလဒ်ဖြစ်ပြီး စွမ်းအင်နှင့် ကုန်သွယ်မှုစီးဆင်းမှုများ ဆက်လက်တည်ရှိနေစေရန် အာမခံချက်ပေးလိုက်ခြင်းဖြစ်သည်။
အီရန်တာဝန်ရှိသူများ၏ အဆိုအရ ဤကဲ့သို့ ဘေးကင်းစွာ ဖြတ်သန်းခွင့်ပြုခြင်းသည် အိန္ဒိယသင်္ဘောများနှင့် အခြားသော “မိတ်ဆွေ” နိုင်ငံများအတွက် သီးသန့်ဖြစ်ပြီး၊ ဒေသတွင်းရှိ အိန္ဒိယသင်္ဘောများကို ၂၄ နာရီပတ်လုံး စောင့်ကြည့်စစ်ဆေးပေးသည့် စနစ်ဖြင့် ဆောင်ရွက်ပေးနေကြောင်း သိရသည်။
အိန္ဒိယသင်္ဘောများအနေဖြင့် ဟော်မုဇ်ရေလက် ကြားကို ဖြတ်သန်းရာတွင် မည်သည့်ပြဿနာမျှ မရှိစေရဘဲ ဘေးကင်းစွာ သွားလာနိုင်မည်ဖြစ်ကြောင်း အီရန်က အတည်ပြုခဲ့သည်။ ဒေသတွင်း တင်းမာမှုများရှိနေသော်လည်း ရေနံစီးဆင်းမှု မပြတ်တောက်စေရန် အိန္ဒိယ နိုင်ငံခြားရေးဝန်ကြီးနှင့် အီရန်တာဝန်ရှိသူများအကြား ဆွေးနွေးမှုများ ပြုလုပ်ခဲ့ပြီးနောက် ဤအာမခံချက် ထွက်ပေါ်လာခြင်းဖြစ်သည်။
လူမှုကွန်ရက်သတင်းများအရ အီရန်သည် အိန္ဒိယ၊ တရုတ်၊ ရုရှားနှင့် ပါကစ္စတန်ကဲ့သို့သော “မိတ်ဆွေ” နိုင်ငံများမှ သင်္ဘောများကိုသာ အထူးအခွင့်အရေးပေး၍ ဘေးကင်းစွာ ဖြတ်သန်းခွင့်ပြုထားပြီး၊ အမေရိကန်၊ အစ္စရေးနှင့် အချို့သော ပင်လယ်ကွေ့နိုင်ငံများနှင့် ဆက်နွှယ်သည့် သင်္ဘောများကိုမူ ကန့်သတ်ထားကြောင်း သိရသည်။
ဟော်မုဇ်ရေလက်ကြားသည် ကမ္ဘာ့ရေနံသယ်ယူပို့ဆောင်ရေးတွင် အရေးပါဆုံးသော ရေကြောင်းလမ်းဖြစ်ပြီး၊ အနှောင့်အယှက်တစ်စုံတစ်ရာ ဖြစ်ပွားပါက ကမ္ဘာ့စွမ်းအင်စျေးကွက်အပေါ် ကြီးမားစွာ သက် ရောက်နိုင်သည့် နေရာဖြစ်သည်။
၂၀၂၆ ခုနှစ်၊ ဧပြီလနှောင်းပိုင်းအထိ ပါရှန်းပင်လယ်ကွေ့အတွင်း အခြေအနေမှာ တင်းမာနေဆဲဖြစ်သည်။ အိန္ဒိယသင်္ဘောများကို ဖြတ်သန်းခွင့်ပြုထား သည်ဟူသော သတင်းများရှိသော်လည်း၊ တီဟီရန်မှ တရားဝင်ထုတ်ပြန်ချက်များအရ ဒေသတွင်းလုံခြုံရေး အခြေအနေမှာ အထူးသဖြင့် အမေရိကန်ရေတပ်၏ လှုပ်ရှားမှုများအပေါ် မူတည်၍ စစ်ပွဲအခြေ အနေအရ အချိန်မရွေး ပြောင်းလဲသွားနိုင်ကြောင်း Daily Pioneer သတင်းဌာနက ဖော်ပြထားသည်။
ဟော်မုဇ်ရေလက်ကြားသည် ကမ္ဘာ့ရေနံသယ်ယူပို့ဆောင်ရေး၏ အဓိကအသက်သွေးကြောဖြစ်ရာ၊ အိန္ဒိယအနေဖြင့် ယခုကဲ့သို့ အထူးအခွင့်အရေး ရရှိထားခြင်းက ပြည်တွင်းစွမ်းအင်စျေးကွက် တည်ငြိမ်ရေးအတွက် များစွာအထောက်အကူပြုစေမည် ဖြစ် သည်။
#IranIndia #StraitOfHormuz #ShippingSafety #EnergyTrade #BreakingNews #PositiveAngleNews #InternationalNews
Telegram»…
https://t.me/positiveanglenews
#PAN