သြဂုတ် ၂၉
ရန်ကုန်တိုင်းဒေသကြီး၊ မြောက်ဥက္ကလာပမြို့နယ်၊ ရွှေပေါက်ကံ၊ အမှတ် ၁၃ ရပ်ကွက်၊ ညောင်ရမ်းလမ်းနှင့် ရန်ကုန်လမ်းဆုံ မြက်ခင်းပေါ်တွင်၂၀၂၃ သြဂုတ်လ၂၈ ရက် ည ၁၀နာရီ ၁၅မိနစ် အချိန်ခန့်တွင်ကျောပိုးအိတ်အနက်ရောင် (၁)လုံးအား မသင်္ကာဖွယ်ရာတွေ့ရှိကြောင်း သတင်းပို့ချက်အရ သက်ဆိုင်ရာလုံခြုံရေးသတင်းအဖွဲ့က သွားရောက်စစ်ဆေးခဲ့ကြောင်းသိရသည်။
အဆိုပါ အခင်းဖြစ်ရာနေရာ ရန်ကုန် လမ်းဆုံ၊ ညောင်ရမ်းလမ်းဘေး၊ မြက်ခင်းပေါ်တွင် Sport တံဆိပ်ပါ ကျောပိုးအိတ် အနက်ရောင် (၁)ခုအား မသင်္ကာဖ့ယ်တွေရှိသဖြင့် လံုခြုံရေး ဖွဲ့မှည၁၀နာရီ၅၅မိနစ် အချိန်ခန့်တွင် ရောက်ရှိရှင်းလင်းခဲ့ရာ ၎င်းအိတ်အမဲအတွင်းမှ အရှည် (၉) လက်မခန့်၊ အချင်း (၂) လက်မ ခန့် ရှိ PVC ပိုက်(၁)ခု ၊ 9 Volt ဓါတ်ခဲ(၂)လုံး၊ ဆားကစ်ပြား(၂)ခုတို့အား ဝါယာကြိုးဖြင့် ချိတ်ဆက်လျက် မပေါက်ကွဲသေးသည့် လက်လုပ်ဗုံး(၁)ခုအား တွေ့ရှိခဲ့ကြောင်း သိရသည်။
ယင်းလက်လုပ်ဗုံးအား တွေ့ရှိသည့်နေရာအနီး၊ လမ်းဆုံသို့ ပြောင်းရွှေ့၍ အတားအဆီးများ ပြုလုပ်ကာ အချိန်၁၁နာရီ၁၅မိနစ်အချိန်ခန့်တွင် ဖောက်ခွဲဖျက်ဆီးနိုင်ခဲ့ကြောင်းသတင်းရရှိပါသည်။