![](https://positiveanglenews.com/storage/2023/08/IMG-fa77773d3bfccf8fdc0ebc0645c35b7a-V-1024x682.jpg)
![](https://positiveanglenews.com/storage/2023/08/IMG-7b68ba0a79b471aa3fa80aa20f2846b2-V-1024x684.jpg)
![](https://positiveanglenews.com/storage/2023/08/IMG-c53ab41b34b48e29b6b487a5a829c054-V-1024x682.jpg)
![](https://positiveanglenews.com/storage/2023/08/IMG-22c0d2b0ba0bcc344a6f8ad16838b950-V-1024x682.jpg)
သြဂုတ် ၂၃
မကွေးတိုင်းဒေသကြီး၊ မင်းဘူးခရိုင်၊ မင်းဘူး – စကုမြို့နယ်တွင် ဧရာဝတီမြစ်ရေ မြင့်တက်လာပြီး မြစ်ရေဝင်ရောက်မှုများကြောင့် ဧရာတီမြစ်ကမ်းဘေးရှိ မြေနိမ့်ပိုင်းကျေးရွာအချို့တွင် မြစ်ရေများ စတင်ဝင်ရောက်လျက်ရှိကြောင်း သိရသည်။
ထိုသို့ ရေဝင်ရောက်လာမှုကြောင့် မင်းဘူး – စကုမြို့နယ်၊ မန်းကျိုးကျေးရွာအုပ်စု၊ ထုံမကြီးကျေးရွာမှ အိမ်ထောင်စုပေါင်း ၆၀ စု၊ လူဦးရေ ၁၁၀ ဦးနှင့် ကျွဲ၊ နွားတိရိစ္ဆာန်များကို ရေဘေးလွတ်ရာ ကျောက်ကုန်းနှင့် သံကန်တန်း ၇ နေရာများ၌ ယာယီရွှေ့ပြောင်းထားရသလို ထောက်ရှာ ပင်ကျေးရွာအုပ်စု၊ တပင်ရွာမှ အိမ်ထောင်စု ၈ စု၊ လူဦးရေ ၃၅ ဦးတို့ကိုလည်း နီးစပ်ရာဆွေမျိုးများနေအိမ်၌ ယာယီပြောင်းရွှေ့ပေးထားရကြောင်းသိရသည်။
မြစ်ရေဝင်ရောက်မှုကြောင့် ထုံးမကြီးကျေး ရွာမှ အခြေခံပညာမူလတန်းကျောင်းနှင့် နိဗ္ဗာန်ကျွန်းကျေးရွာမှ အခြေခံပညာအလယ်တန်းကျောင်းများကို မြစ်ရေကျသည့်အချိန်ထိ ယာယီပိတ်ထားရကြောင်း သတင်းရရှိပါသည်။
#PAN