သြဂုတ် ၁၂
ဆိုင်ကလုန်း‘‘မိုခါ’’ဘေးသင့်ဒေသများမှ ပြည်သူများအတွက် ပြန်လည်ထူထောင်ရေး လုပ်ငန်းများတွင် အထောက်အကူပြုစေရန် ရည်ရွယ်၍ လာအိုပြည်သူ့ဒီမိုကရက်တစ်သမ္မတနိုင်ငံအစိုးရမှ လှူဒါန်းသော အမေရိကန်ဒေါ်လာ ၅၀,၀၀၀ (အမေရိကန်ဒေါ်လာ ငါးသောင်း) ကို လာအိုနိုင်ငံခြား ရေးဝန်ကြီးဌာန၊ ဒုတိယဝန်ကြီး H.E. Mr. Phoxay Khaykhamphithoune က ၁၁-၈-၂၀၂၃ ရက်တွင် လာအိုနိုင်ငံခြားရေးဝန်ကြီးဌာန၌ ပေးအပ်လှူဒါန်းခဲ့ရာ မြန်မာသံအမတ်ကြီး ဦးမြတ်သက်ဦး မှ အလှူငွေများကို လက်ခံရယူခဲ့ပါသည်။
သံအမတ်ကြီးက လာအိုနိုင်ငံအစိုးရနှင့် ပြည်သူများ၏ အိမ်နီးချင်းကောင်း ပီသစွာ ပံ့ပိုးကူညီမှုများအပေါ် မုန်တိုင်းဒဏ်သင့် ပြည်သူများနှင့် မြန်မာနိုင်ငံအစိုးရ ကိုယ်စား ကျေးဇူးတင်ရှိပါကြောင်းနှင့် လှူဒါန်းငွေများကို မြန်မာနိုင်ငံသို့ ဆက်လက်လွှဲပြောင်း ပေးအပ်သွားမည်ဖြစ် ကြောင်း ပြောကြားခဲ့ပါကြောင်း သိရှိရပါသည်။
#PAN