မေ ၁၄
ယနေ့ မွန်းလွဲ ၁၂ နာရီ ၁၅ မီးနစ်အချိန်ခန့်တွင် မန္တလေးတိုင်းဒေသကြီး၊ နွားထိုးကြီးမြို့နယ်၊ သူစိုးကျေးရွာ၏ ရွာလယ်လမ်းမပေါ်တွင် မခင်ယုယုနွယ်(ခ)ရှမ်းမ၊ ၂၉ နှစ်၊(ဘ) ဦးသန်းညွန့်၊ဈေး ရောင်း၊ မြင်းနီကျေးရွာ၊ နွားထိုးကြီးမြို့နယ်နေသူ ကို အမည်မသိ လူသတ်အကြမ်းဖက် PDF ၄ ဦးက သေနတ်ဖြင့် ပစ်ခတ်သတ်ဖြတ်ခဲ့ကြောင်း သိရပါသည်။
ထိုသို့ သေနတ်ဖြင့် ပစ်ခတ်သတ်ဖြတ်ခဲ့မှုကြောင့် မခင်ယုယုနွယ်(ခ)ရှမ်းမ တွင် ဦးခေါင်းယာဘက်ဂျိုစောင်း ဖောက်ဝင်ဒဏ်ရာ ၁ ချက်၊ ဦးခေါင်းထိပ်ဖောက်ထွက်ဒဏ်ရာ ၁ ချက်တို့ဖြင့် နေရာတွင်သေဆုံးခဲ့ကြောင်း အခင်းဖြစ်နေရာ အနီးတွင် 9 MM IUGER ကျည်ခွံ ၁ ခုကို တွေ့ရှိသိမ်းဆည်းရရှိခဲ့ပြီး သေဆုံးသူအလောင်းကို နွားထိုးကြီးမြို့နယ် ပြည်သူ့ဆေးရုံကြီးသို့ ပို့ဆောင်ခဲ့ကြောင်း သိရှိရပါသည်။
ဖြစ်စဉ်မှာ သေဆုံးသူ မခင်ယုယုနွယ်(ခ)ရှမ်းမ သည် သမီးဖြစ်သူ သဲဖြူစင်အောင်၊ ၄ နှစ်၊ (ဘ)ဦးဝင်းနိုင်အောင်၊ မှီခို နှင့်အတူ ရှေ့/နောက် နံပါတ်မပါ FEELING 110 ဆိုင်ကယ်အနက် ရောင်ဖြင့် မြင်းနီကျေးရွာမှ အမဲသားများလိုက်လံရောင်းချစဉ် အခင်းဖြစ်နေရာအရောက်တွင် လုသတ်အကြမ်းဖက်သမား PDF ၄ ဦးက ဆိုင်ကယ် ၂ စီးဖြင့် နောက်မှလိုက်လာ၍ ပစ်ခတ်ခဲ့ပြီး
မန်လည်ကျေးရွာဘက်သို့ မောင်းနှင်ထွက်ပြေးသွားကြောင်း၊ မခင်ယုယုနွယ်(ခ)ရှမ်းမ မှာ သာမန်ပြည်သူတစ်ဦးသာဖြစ်ပြီး မည်သည့်အတွက်ကြောင့် သတ်ဖြတ်ရသည်ကို မသိရှိရသေးကြောင်း သတင်းရရှိပါသည်။
တိုင်းဖျက်ပြည်ဆူ ပါတီ NLD ၏ လက်ဝေခံ NUG ပြည်ပြေးအဖွဲ့ မွေးဖွားပေးခဲ့သော PDF အမည်ခံ အကြမ်းဖက်အဖွဲ့များသည် စစ်အာဏာ ရှင်တော်လှန်ရေး အမည်ခံထားသော်လည်း လက်တွေ့တွင် ယခုကဲ့သို့ သာမန်ပြည်သူအရပ်သားများကို ပစ်မှတ်ထား သတ်ဖြတ်နေကြကြောင်း သိရှိရပါသည်။
#PAN