(နိုင်ငံတကာ) စက်တင်ဘာ ၁၁
ထိုင်းနိုင်ငံအတွင်း ပြစ်မှုအမျိုးမျိုးဖြင့် ထိန်းသိမ်းခံထားရသည့် မြန်မာနိုင်ငံသား ၉၆ ဦး ကို ရနောင်းမြို့မှတစ်ဆင့် ကော့သောင်းမြို့ဘက်သို့ ပြန်လည်ပို့ဆောင်ခဲ့ကြောင်း သိရသည်။
အဆိုပါ မြန်မာနိုင်ငံသားများအား စက်တင်ဘာ ၁၀ ရက် နံနက် ၁၁ နာရီခွဲအချိန်ခန့်တွင် ရနောင်းအကောက်ခွန်ဆိပ်ကမ်းမှတစ်ဆင့် ပြန်လည်ပို့ဆောင်ခဲ့ခြင်းဖြစ်ပြီး ရနောင်းခရိုင် လူဝင်မှုကြီးကြပ်ရေးရဲတပ်ဖွဲ့၊ ရနောင်းအခြေစိုက် မြန်မာအလုပ်သမားသံအရာရှိနှင့် သက်ဆိုင်ရာ ပူးပေါင်းအဖွဲ့ ၉ ဖွဲ့မှ တာဝန်ရှိသူများက ပါဝင်ဆောင်ရွက်ခဲ့ကြောင်း သိရသည်။
ထို့ပြင် ဩဂုတ် ၁၃ ရက်ကလည်း ထိုင်းနိုင်ငံတွင် ထိန်းသိမ်းခံထားရသည့် မြန်မာနိုင်ငံသား ၁၈၄ ဦး ကို ရနောင်းအကောက်ခွန်ဆိပ်ကမ်းမှတစ်ဆင့် ကော့သောင်းမြို့ဘက်သို့ ပြန်လည်ပို့ဆောင်ခဲ့ကြောင်း သိရသည်။
Telegram – t.me/positiveanglenews
#PAN