(နိုင်ငံတကာ) ဒီဇင်ဘာ ၂၄
အမေရိကန်နိုင်ငံ၊ ဖလော်ရီဒါပြည်နယ် Fort Lauderdale ဒေသတွင် လှေနှစ်စီး ပေါက်ကွဲမှုဖြစ်ပွားခဲ့ပြီး လူအများအပြား ဒဏ်ရာရရှိခဲ့ကြောင်းသိရသည်။
လော်ဒါဒဲလ်မာရီနာရှိ လှေတစ်စင်း ပေါက်ကွဲခဲ့ပြီးနောက် နောက်တစ်စီး ထပ်မံမီးလောင်ကျွမ်းမှုဖြစ်ပေါ်ခဲ့ကြောင်း လော်ဒါဒဲလ်မီးသတ်နှင့်ကယ်ဆယ်ရေးဌာနကပြောသည်။
ပေါက်ကွဲမှုကြောင့် လူ ၅ ဦးကို ဒေသဆေးရုံကိုတင်ပို့ခဲ့ရပြီး ၃ ဦးမှာ ဒဏ်ရာပြင်းထန်စွာရရှိခဲ့ကြောင်းသိရသည်။
ထို့အပြင် ပေါက်ကွဲမှုဖြစ်စဉ်တွင် ပျောက်ဆုံးခဲ့သည့် ပြည်သူတစ်ဦးအား ရေအောက်ရှာဖွေရေးများ လုပ်ဆောင်နေပြီး မီးလောင်ပေါက်ကွဲရသည့်အကြောင်းအရင်းအား စုံစမ်းစစ်ဆေးနေကြောင်းသိရသည်။
#PAN