(ပြည်တွင်း) ဒီဇင်ဘာ ၂၃
မွန်ပြည်နယ်၊ မော်လမြိုင်မြို့ရှိ ဆံတော်ရှင်ကျိုက်သုတ်စေတီတော်မြတ်ကြီးအား လုံးတော်ပြည့် ရွှေသင်္ကန်းကပ်လှူပူဇော်ရန် ပြင်ဆင်မှုများပြုလုပ်လျက်ရှိကြောင်း သိရပါတယ်။
လက်ရှိအချိန်မှာ ၂၀၂၅ ခုနှစ် မတ် ၁၃ ရက်မတိုင်မီ လုံးတော်ပြည့်ရွှေသင်္ကန်းကပ်လှူခြင်း၊ ရွှေစင်ရွှေပြားကပ်လှူခြင်း၊ စိန်ဖူးတော်၊ ငှက်မြတ် နားတော်၊ ထီးတော်များအား အကြီးစားပြုပြင်မွမ်းမံခြင်းလုပ်ငန်းများကို ပြီးစီးရန်ဆောင်ရွက်လျက်ရှိကြောင်း သိရပါတယ်။
ရွှေသင်္ကန်းကပ်လှူပူဇော်ရာတွင် စေတီတော်၏ ငှက်ပျောဖူးတော်မှာ ၉ လက်မပတ်လည် တစ်ကျပ်သား ရွှေစင်ရွှေပြား ၁၇၂ ချပ်၊ စိန်ဖူးတော်၊ ငှက်မြတ်နားတော်၊ ထီးတော်၊ ကြာမှောက်ကြာလန်၊ ဖောင်းကိုးရစ်၊ ပန်းဆွဲ၊ ခေါင်းလောင်းတို့တွင် ၂ လက်မပတ်လည်ရွှေဆိုင်း ၁,၉၅၀ ဆိုင်းတို့နဲ့ ကပ်လှူပူဇော်သွားမှာဖြစ်တာကြောင့် ရွှေစင်ရွှေပြားများနှင့် ရွှေဆိုင်းများကို လှူဒါန်းလိုသူများအနေနဲ့ ဆံတော်ရှင်ကျိုက်သုတ်စေတီတော်မြတ်ကြီး၏ ဘဏ္ဍာတော်ထိန်းဂေါပကအဖွဲ့ဝင်များထံ ဆက်သွယ်လှူဒါန်းနိုင်ကြောင်း နှိုးဆော်ထားပါတယ်။
#PAN