(အားကစား) ဒီဇင်ဘာ ၁၅
ယူရိုပါလိဂ်ပွဲစဉ် ၆ မှာ အမှတ်ပေးဇယားထိပ်ဆုံးက လာဇီယိုအသင်းက ဒတ်ချ်နာမည်ကြီးကလပ် အိုင်းယက်စ်အသင်းကို အဝေးကွင်းမှာ ၃ဂိုး တစ်ဂိုးနဲ့ အနိုင်ယူပြီး အမှတ်ပေးဇယားကို ဆက်လက် ဦးဆောင်ခဲ့ ပါတယ်။
မန်ယူနိုက်တက်အသင်းကလည်း ချက်ကလပ် ဗစ်တိုးရီးယားပါလ်ဇန်အသင်းကို အဝေးကွင်းမှာ နှစ်ဂိုး တစ်ဂိုးနဲ့ အနိုင်ယူပြီး ယူရိုပါလိဂ်မှာ ၃ ပွဲဆက်နိုင်ပွဲကို ရရှိခဲ့တာကြောင့် မန်ယူအသင်းဟာ ရမှတ် ၁၂ မှတ်နဲ့ အမှတ်ပေးဇယားရဲ့ အဆင့် (၇) နေရာကို တက်ရောက်လာနိုင်ခဲ့ပါတယ်။
ယူရိုပါလိဂ်ပြိုင်ပွဲမှာ ဗိုလ်စွဲဖို့ ရေပန်းအစားဆုံးဖြစ်ခဲ့တဲ့ စပါးအသင်းက စကော့တလန် ကလပ်ရိန်းဂျားစ် အသင်းကို အနိုင်မကစားနိုင်ခဲ့ဘဲ တစ်ဂိုးစီ သရေကျခဲ့ပါတယ်။
ဒါကြောင့် အစောပိုင်းက အမှတ်ပေးဇယားကို ဦးဆောင်ခဲ့တဲ့ စပါးအသင်းဟာ အဆင့် (၉) ထိကို ကျဆင်းသွားခဲ့ပြီး ယူရိုပါလိဂ်ချန်ပီယံ ရေပန်းစားမှုမှာ မန်ယူအသင်းက (၅/၁) လေးနဲ့ စပါး (၉/၂) ထိပ်ဆုံးက ဦးဆောင်နေပါတယ်။
Telegram»…
https://t.me/positiveanglenews