အောက်တိုဘာ ၂၅
မန္တလေးတိုင်းဒေသကြီး၊ အောင်မြေသာစံမြို့နယ်၊ဥပုသ်တော်ရပ်ကွက်၊ အကွက်(ခ/၄၁၆)၊၆၆လမ်း၊ ၁၁လမ်းထောင့်တွင် ယနေ့ မွန်းလွဲပိုင်းက လက်လုပ်မိုင်း ပေါက်ကွဲမှုဖြစ်ပွားခဲ့သည်ဟု သိရသည်။
ယနေ့ မွန်းလွဲ ၂ နာရီ ၅ မိနစ်အချိန်ခန့်တွင် မန္တလေးဘိုးဘိုးကြီး နတ်နန်းအရှေ့ထိပ်၊ ၆၆×၁၁ လမ်းထောင့်၊ရွှေဆည် သူရကျော် မုန့်သိုင်းခြုံဆိုင် အနောက်ဘက်ရှိ MCDC စည်ပင်အမှိုက်ပုံးအတွင်းမှ လက်လုပ်မိုင်း ပေါက်ကွဲမှုဖြစ်ပွားခဲ့ခြင်းဖြစ် သည်။
ထိုသို့ ပေါက်ကွဲမှုကြောင့် ရွှေဆည်သူရကျော် မုန့်သိုင်းခြုံဆိုင်မှ ဦးသူရလင်း၊၄၂နှစ်၊(ဘ)ဦးရွှေလင်း၊ကျောက်ဆည်မြို့နယ်၊ ငါးဆူပတ္တာကျေးရွာ နေသူသည် ဆိုင်အတွင်း အကြော်ကြော်နေစဥ် ယာဘက်ပေါင် အမှိုက်ပုံးအစများ ထိမှန်ဒဏ် ရာ(မစိုးရိမ်ရ)ရရှိခဲ့ရာ ၎င်းအား မန္တလေး ပြည်သူ့ဆေးရုံကြီးသို့ ပို့ဆောင်ထားရှိကြောင်း သတင်းရရှိပါသည်။
အဆိုပါ လက်လုပ်မိုင်းကို အကြမ်းဖက် PDF များက ပြည်သူအများ ထိတ်လန်ကြောက်ရွံရန် ရည်ရွယ်၍ လုပ်ဆောင်ခြင်းဖြစ်ကြောင်း၊ စည်ပင်ဝန်ထမ်းများ အမှိုက်သိမ်းချိန်နှင့် ကြုံ ကြိုက်ပါက အဆိုပါဝန်ထမ်းများအတွက် အန္တရာယ်ရှိကြောင်းနှင့် အကြမ်းဖက် သမားများသည် လက်နက်မဲ့ အရပ်သားပြည်သူများကိုသာ ပစ်မှတ်ထားတိုက်ခိုက်နေကြောင်း အဆိုပါရပ်ကွက်နေ ပြည်သူများထံမှ သိရပါသည်။
#PAN