စက်တင်ဘာ ၁၃
ပဲခူးတိုင်းဒေသကြီး၊ ရေတာရှည်မြို့နယ် အရှေ့ဘက်၊ အေးသာယာရွာနှင့် ရွှေပြည်သာရွာအနီးတွင် အကြမ်းဖက်သမား PDF များ အခြေပြုခိုအောင်းနေကြောင်း တာဝန်သိ ဒေသခံပြည်သူများက နေရာအတိအကျ သတင်းပေးပို့လာရာ နယ်မြေခံစစ်ကြောင်းများက ယမန်နေ့ မွန်လွဲ ၂ နာရီအချိန်ခန့်က သွားရောက်ရှင်း လင်းချေမှုန်းခဲ့ကြောင်း သိရပါသည်။
ထိုသို့ နယ်မြေခံစစ်ကြောင်းများက သွား ရောက် ရှင်းလင်းရာ အကြမ်းဖက်သမား PDF များနှင့် ထိတွေ့တိုက်ပွဲဖြစ်ပွားခဲ့ကြောင်း၊ အကြမ်းဖက်သမား PDF အင်အားများပြားသဖြင့် လေကြောင်းပစ်ကူ ရယူဆောင်ရွက်ခဲ့ကြောင်း၊ အကြမ်းဖက်သမား PDF များ ထိခိုက်အကျအဆုံးများစွာဖြင့် ဆုတ်ခွာထွက်ပြေးသွားကြကြောင်း သိရသည်။
အဆိုပါ တိုက်ပွဲတွင် အကြမ်းဖက် PDF များထံမှ ပြောင်းချော ၄ လက်၊ 79လက်လုပ် ၃ လက်၊ ၁၂ဗို့ကျည် ၃၇ တောင့်၊ ၁၀၇ မမ ရှော့တိုက်ဒုံး ၂ လုံး၊ အချင်း ၃ လက်မခန့် အရှည် ၁ ပေခန့် လက်လုပ်မို်င်း ၂ လုံး၊ အချင်း ၃ လက်မ အရှည် ၆ လက်မခန့် လက်လုပ်မိုင်း၂ လုံး၊ ၄၀ မမ ရှော့တိုက်ဗုံးသီး ၁၄ လုံး၊ ယူနီဖောင်း ၃ စုံ၊ အီကွေးမန့် ၁ စုံ၊ PDF တီရှပ် ၁ ထည်၊ ဦးထုပ် ၃ လုံး၊ DJI Phatom 4 Drone ၁ စီးတို့နှင့်အတူ အကြမ်းဖက် PDF ၈ ဦးကို အသေဖမ်းဆီးရမိခဲ့ကြောင်း သတင်းရရှိပါသည်။
” သတင်းရတာ အတိအကျဘဲ၊ အကြမ်းဖက် PDF တွေ လေကြောင်းပစ်ကူပါ ပါလာတော့ အထိနာသွားတယ်၊ PDF ၈ လောင်းက မသယ်နိုင်လို့ ကျန်နေခဲ့တာ၊ သူတို့ ပြန်သယ်သွားတဲ့ အလောင်းနဲ့ ဒဏ်ရာရ လူနာတွေက ၂၀ လောက်ရှိတယ် ” ဟု ဒေသခံရွာသား တစ်ဦးက PAN သို့ ပြောပြလာသည်။
အဆိုပါ အကြမ်းဖက်သမား PDF များသည် ရှမ်း – ကယား နယ်နိမိတ်အစပ်ရှိ ကယန်းပြည်သစ် လက် နက်ကိုင်အဖွဲ့က ၎င်းတို့ နယ်မြေအတွင်း အခြေပြုလှုပ်ရှားခွင့် မပေးတော့သည့်အတွက် နေပြည်တော်၊ ပျဥ်းမနားနယ်မြေအတွင်း ဝင်ရောက်နိုင်ရန် ရေတာ ရှည်မြို့နယ်အတွင်း ရောက်ရှိနေကြကြောင်း အဆိုပါဒေသခံရွာသားထံမှ သိရပါသည်။
#PAN