(နိုင်ငံတကာ) စက်တင်ဘာ ၂၃
ထိုင်းနိုင်ငံ မဲဆောက်နှင့် ကန်ချနဘူရီဒေသရှိ မိုးအီမြစ်(သောင်းရင်မြစ်)အတွင်းသို့ မော်တော်ယာဉ်တစ်စီး ပြုတ်ကျခဲ့ကြောင်း သတင်းပေးပို့ချက်အရ ရေငုပ်ကယ်ဆယ်ရေးအဖွဲ့က ရှာဖွေမှုများ ဆောင်ရွက်ခဲ့ရာ မြစ်အတွင်း ၄ မီတာအနက်၌ အဆိုပါ ကုန်တင်ကားတစ်စီးကို တွေ့ရှိခဲ့ကြောင်း သိရသည်။
အဆိုပါသတင်းအရ မဲဆောက်၊ ကန်ချနဘူရီ တောရိုင်းတိရစ္ဆာန်ကယ်ဆယ်ရေးအသင်း၏ ရေငုပ်အဖွဲ့က မော်တော်ယာဉ်နစ်မြုပ်ခဲ့သည်ဟု ယူဆရသည့် ထိုင်းနိုင်ငံ ထဆိုင်လွတ်တိုက်နယ်၊ ဝမ်တခင်းရွာ၊ ရပ်ကွက် ၇၊ အမှတ် ၂၅ ဂိတ် (မီးတန်ဆိပ်ခံ) အနီးရှိ မြစ်အတွင်းသို့ သွားရောက်ကာ ရှာဖွေမှုများ စတင်ခဲ့သည်။
မျက်မြင်သက်သေများ၏ သတင်းပေးပို့ချက်များအပေါ် အခြေခံ၍ သံသယရှိသည့်နေရာတွင် စက်တင်ဘာ ၂၂ ရက် နေ့လယ် ၁၂ နာရီ ၁၀ မိနစ်ခန့်တွင် ရှာဖွေမှုများ စတင်ခဲ့ရာ သံသယရှိသည့်နေရာအနီး မြစ်အတွင်း ၄ မီတာခန့်အနက်၌ ကုန်တင်ကားကြီးတစ်စီးကို ရှာဖွေတွေ့ရှိခဲ့ကြောင်း ရေငုပ်အဖွဲ့က သတင်းထုတ်ပြန်ထားသည်။
ဖြစ်စဉ်နှင့် ပတ်သက်သည့် အသေးစိတ်အချက်အလက်များကို ထပ်မံပေးပို့သွားမည်ဖြစ်ကြောင်း မဲဆောက်၊ ကန်ချနဘူရီ တောရိုင်းတိရစ္ဆာန်ကယ်ဆယ်ရေးအသင်း၏ ရေငုပ်အဖွဲ့က အသိပေးထားသည်။
Telegram – t.me/positiveanglenews
#PAN