(ပြည်တွင်း) ဒီဇင်ဘာ ၂၈
ယုဇနဆီအုန်းကုမ္ပဏီကနေ မာရမ်းပျိုးခင်းဇုန်မှာရှိတဲ့ ယုဇနဆီအုန်းလုပ်သားမဲဆန္ဒရှင်တွေကိုသွားရောက်ခေါ်ဆောင်တဲ့မော်တော်ယာဥ်(၄)စီးကို PDF ဖမ်းဆီးထားတယ်လို့ သိရပါတယ်။
ခမောက်ကြီးမြို့၊ ၃၈မိုင်က ယုဇနဆီအုန်းကုမ္ပဏီစျေးဝန်းအတွင်းဖွင့်လှစ်ထားတဲ့မဲရုံအမှတ်(၅)မှာမဲပေးနိုင်ဖို့အတွက် ခမောက်ကြီးမြို့အောင်ချမ်းသာအုပ်စု၊ ခမောက်ငယ်ပျိုးဥယာဥ်ဇုန်၊ မာရမ်းပျိုးဥယျာဥ်ဇုန်တွေက ဆီအုန်းလုပ်သားမဲဆန္ဒရှင်(၁၇၀)ဦးခန့်ကို မာရမ်းပျိုးဥယျာဥ်ဘောလုံးကွင်းစုရပ် မှာခေါ်ဆောင်တဲ့ ခမောက်ကြီးမြို့၊ ၃၈မိုင်ယုဇနဆီအုန်းကုမ္ပဏီက ကုမ္ပဏီပိုင် မော်တော်ယာဉ် ၄ စင်း အဆက်အသွယ်ပြတ်တောက်နေတယ်လို့ ဒေသခံတွေဆီက သိရပါတယ်။
ဒီနေ့ ဒီဇင်ဘာလ ၂၈ ရက် မနက် ၆ နာရီ ၁၅ချိန်ခန့်မှာ မဲဆန္ဒရှင်တွေကိုသွားရောက်ခေါ်ဆောင်တဲ့ ဒေါင်ဖန်း နဲ့ဖော်လန်အမျိုးအစားမော်တော်ယာဥ်(၄)စီးအဆက်အသွယ်ပြတ်တောက်နေတာလို့လည်း သိရပါတယ်။
”မနက် ၆ နာရီကျော်လောင်ထဲကထွက်သွားတာ ၁၀၀၀ချိန်အထိစုရပ်ဖြစ်တဲ့ မာရမ်းပျိုးဥယျဥ်ဘောလုံးကွင်းကို ရောက်ရှိလာခြင်းမရှိဘဲလမ်းခရီးမှာ အဆက်အသွယ်ပြတ်နေတာ” လို့ ဒေသခံတစ်ဦးက ပြောပါတယ်။ မနက် ၉ နာရီ ၁၅ မိနစ်ခန့်မှာတော့ မာရမ်းပျိုးခြံက တာဝန်ခံ ကိုသူရ၊ ကိုအာကာဝင်း တို့နှစ်ဦးက ကား ၄စီး မရောက်လာတာကြောင့် မာရမ်းလမ်းကြောင်းတစ်လျောက်လိုက်လံကြည့်ရူရာမှာ PDF အကြမ်းဖက်အဖွဲ့က ဖမ်းဆီးထားကြောင်း ပြန်လွှတ်လာတဲ့ ယာဉ်မောင်းတစ်ယောက်ရဲ့ အကြောင်းကြားချက်အရ သိရတယ်လို့ ဒေသခံကပြောပါတယ်။
#PAN