(မှုခင်း) ဇန်နဝါရီ ၂၉

မန္တလေးတိုင်းဒေသကြီး ၊ အောင်မြေသာစံမြို့နယ်၊ ပြည်ကြီးရန်လုံရပ်ကွက်၊ အကွက်အမှတ် (၄၁၅/S-1)၊ ၁၂×၈၈ လမ်းဒေါင့်ရှိ ၂ ထပ် အဆောက်အဦး၌ ယနေ့ညနေ ၄ နာရီ ၄၅ မိနစ်အချိန်ခန့်က မီးလောင်မှုဖြစ်ပွားသဖြင့် မီးသတ်တပ်ဖွဲ့ဝင်များမှ သွားရောက် ငြှိမ်းသတ်ခဲ့ရာ ညနေ ၄ နာရီ ၄၈ မိနစ်အချိန်ခန့်တွင် မီးငြိမ်းသတ်နိူင်ခဲ့ကြောင်း သိရသည်။

မီးလောင်မှုဖြစ်စဥ်မှာ ဦးစိုးဝင်း၏ နေအိမ်အပေါ်ထပ်တွင် ဆိုလာမီးလိုင်းမှတဆင့် နှစ်ပင်လိမ်ဝါယာကြိုးဖြင့်သွယ်တန်း၍ ပလပ်ခုံပြုလုပ်ထားပြီး ဂျပ်ဖာပုံးပေါ်တင်ပြီး Power Bank များ အားသွင်းထားရာမှ အပူလွန်ကဲပြီး ဂျပ်ဖာပုံးခွံများ မီးကူးစက်လောင်ကျွမ်းခဲ့ခြင်းဖြစ်ကြောင်း သိရသည်။

အဆိုပါ မီးလောင်မှုကြောင့် ဂျပ်ဖာပုံးခွံ ၃၀ ခန့်မီးလောင်ဆုံးရှုံးခဲ့ကြောင်း၊ မီးပေါ့ဆစွာသုံးစွဲသူ ဦးစိုးဝင်းအား အမှုဖွင့်အရေးယူထားကြောင်း သိရသည်။