![](https://positiveanglenews.com/storage/2024/01/IMG-86d09e3f881191f17b33155a525d340f-V.jpg)
ဇန်နဝါရီ ၂၈
မန္တလေးတိုင်းဒေသကြီး စဉ့်ကိုင်မြို့နယ်၊မုံပင်ကျေးရွာအုပ်စု၊မုံပင်ကျေးရွာရှိ ဘုန်းတော်ကြီးကျောင်းဝင်းအတွင်း၌ အမျိုးသားတစ်ဦးအား ယနေ့ ညနေ၆နာရီ၁၅မိနစ်အချိန်ခန့်က အမည်မသိ(စိစစ်ဆဲ)အကြမ်းဖက်အဖွဲ့ ၄ဦးခန့်၊ဆိုင်ကယ်၂စီးဖြင့်လာရောက်၍ သေနတ်ဖြင့် ပစ်ခတ်ခဲ့သွားကြောင်း သိရသည်။
အဆိုပါ သေနတ်ဖြင့် ပစ်ခတ်ခံရသူမှာ မုံပင်ကျေးရွာနေ ဦးတင်မျိုးလွင်၊၅၀နှစ်၊(ဘ)ဦးဘဌေး၊ဇီးသီးအရောင်းအဝယ်လုပ်ငန်း လုပ်ကိုင်သူဖြစ်ပြီး ယာ-နဖူး ဖောက်ဝင်ဒဏ်ရာ ၁ချက်၊နဖူးထိပ် ဖေါက်ထွက်ဒဏ်ရာ ၁ချက်၊ဝဲ-နားနောက် ဖောက်ဝင်ဒဏ်ရာ ၁ချက် ရရှိပြီး အခင်းဖြစ်နေရာတွင် သေဆုံးသွားကြောင်း သိရသည်။
![](https://positiveanglenews.com/storage/2024/01/IMG-b477e5141e428442db3f9f20c3161baf-V.jpg)
အခင်းဖြစ်နေရာ သေဆုံးသူအနီးမှ Thai Arms 9mm အမျိုးအစား ကျည်ခွံ ၃ခု၊ကျည်ဖူး ၁ခုတို့အား တွေ့ရှိခဲ့ပြီး သေဆုံးသူ ဦးတင်မျိုးလွင်မှာ ယခင်က NLD အမာခံတစ်ဦးဖြစ်ကြောင်း ယခုအခါ လုံခြုံရေးအဖွဲ့များနှင့် ဆက်သွယ်မှုရှိနေသဖြင့် အကြမ်းဖက်သမားများက သတ်ဖြတ်ခြင်းဖြစ်နိူင်ကြောင်း ဒေသခံများ၏ ပြောကြားမှုအရ သတင်းရရှိသည်။
![](https://positiveanglenews.com/storage/2024/01/IMG-2100713330fc0bf185b2fb5498b1a0f4-V.jpg)
#PAN
![](https://positiveanglenews.com/storage/2024/01/IMG-6ac63c7fa481d0718e5ad11e9db392f8-V.jpg)