(ပြည်တွင်း)ဇွန် ၁၆
မြန်မာနိုင်ငံအဝှမ်း မုတ်သုံလေ အားကောင်းလာခြင်းကြောင့် ရန်ကုန်တိုင်းဒေသကြီး အပါအဝင် တိုင်းဒေသကြီးနှင့် ပြည်နယ် ၇ ခုတို့တွင် နေရာကွက်၍ မိုးကြီးနိုင်ပြီး၊ မိုး တိမ်တောင်များကြောင့် ဖြစ်ပေါ်လာမည့် သဘာဝဘေး အန္တရာယ်များကို အထူးဂရုပြုရန် မိုးလေဝသနှင့် ဇလဗေဒညွှန်ကြားမှုဦးစီးဌာန (DMH) က ဇွန်လ ၁၅ ရက်နေ့တွင် မိုးလေဝသသတိပေးချက် ထုတ်ပြန်လိုက်သည်။
လက်ရှိဖြစ်ပေါ်နေသော ရာသီဥတုအခြေအနေအရ မုတ် သုံလေ အရှိန်အဟုန် မြင့်တက်လာခြင်းကြောင့် မိုးရွာသွန်းမှု ပိုမိုအားကောင်းလာမည်ဖြစ်ရာ ရန်ကုန်တိုင်းဒေသကြီး၊ ဧရာဝတီ တိုင်းဒေသကြီး၊ စစ်ကိုင်းတိုင်းဒေသကြီးအထက်ပိုင်း၊ ကချင် ပြည်နယ်၊ ကရင်ပြည်နယ်နှင့် မွန်ပြည်နယ်တို့ရှိ နေရာကွက်ကျားများတွင် မိုးသည်းထန်စွာ ရွာသွန်းနိုင်ကြောင်း ခန့်မှန်းထား သည်။
မိုးဇလ၏ ထုတ်ပြန်ချက်အရ လက်ရှိကာလတွင် မိုးတိမ်တောင်များ (Cumulonimbus Clouds) အဖြစ်များနေပြီး အဆိုပါ မိုးတိမ်တောင်များ ရွေ့လျားရာ လမ်းကြောင်းတစ် လျှောက်တွင် မိုးသည်းထန်စွာရွာသွန်းခြင်းနှင့်အတူ လေ ပြင်းတိုက်ခတ်ခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်းစသည့် ဒေသန္တရမိုးလေဝသဖြစ်စဉ်များ ထင်မှတ်မထားဘဲ ပြင်းထန်စွာ ဖြစ်ပွားနိုင်ကြောင်း သတိပေးထားသည်။
သို့ဖြစ်ပါ၍ ပြည်သူလူထုအနေဖြင့် လေပြင်းဘေး၊ မိုး ကြိုးဘေးနှင့်အတူ ကုန်းမြင့်ဒေသများတွင် မြေပြိုမှု၊ မြေ ပြန့်ဒေသများတွင် လျှပ်တပြတ်ရေကြီးမှု (Flash Floods) အန္တရာယ်များကို သတိပြုနေထိုင်ကြရန် နှိုးဆော်ထား သည်။
ကမ်းရိုးတန်းနှင့် ပင်လယ်ပြင်အခြေအနေအနေဖြင့် မွန် – တနင်္သာရီ ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် မုတ်သုံလေအရှိန်ကြောင့် တစ်ခါတစ်ရံ မိုးသက် လေ ပြင်းများ ကျရောက်ပြီး လှိုင်းကြီးနိုင်ကြောင်း သိရသည်။
သို့ဖြစ်ပါ၍ အဆိုပါဒေသများရှိ ကမ်းခြေနေပြည်သူများနှင့် ရေကြောင်းခရီးသွားလာသူများ၊ ငါးဖမ်းရေယာဉ်များအနေဖြင့် အထူးသတိပြုရန် လိုအပ်သည့်အပြင်၊ ပြည်တွင်းရေကြောင်း သယ်ယူပို့ဆောင်ရေးနှင့် လေကြောင်းပျံသန်းရေး လုပ်ငန်းလုပ်ကိုင်သူများအနေဖြင့်လည်း မိုးဇလ၏ နေ့စဉ်နောက်ဆုံးရသတင်းများနှင့် သတိပေးချက်များကို အမြဲမပြတ် အနီးကပ်စောင့်ကြည့်ကာ ဘေးအန္တရာယ်ကင်းရှင်းရေးအတွက် ကြိုတင်ပြင်ဆင်မှုများ ပြုလုပ်ကြပါရန် တိုက် တွန်းနှိုးဆော်ထားသည်။
Telegram»…
https://t.me/positiveanglenews
#PAN