(မှုခင်း) ဇန်နဝါရီ ၂၀
မန္တလေးတိုင်းဒေသကြီး၊ ချမ်းအေးသာစံမြို့နယ်၊ ရန်မျိုးလုံရပ်ကွက်၊ အကွက်(၇၄၀)၊ ၃၂×၇၃ လမ်းဒေါင့်ရှိ နေအိမ်တစ်လုံးတွင် ယနေ့နံနက် ၅ နာရီ ၃၀ မိနစ်အချိန်ခန့်က မီးလောင်မှုဖြစ်ပွားသဖြင့် မီးသတ်တပ်ဖွဲ့ဝင်များမှ သွားရောက်ငြှိမ်းသတ်ခဲ့ရာနံနက် ၅ နာရီ ၄၁ မိနစ် အချိန်တွင် မီးငြိမ်းသွားခဲ့ကြောင်း မီးသတ်တပ်ဖွဲ့ထံမှ သိရသည်။
မီးလောင်မှုဖြစ်စဥ်တွင် ရန်မျိုးလုံရပ်ကွက်ရှိ ဒေါ်သန်းသန်းဦး၊ (ဘ)ဦးချစ်အောင်၏ နေအိမ်အပေါ်ထပ် ဘုရားစင်တွင် ဖယောင်းတိုင်မီးဖြင့် ဘုရားမီးပူဇော်ရာမှ ဖယောင်းတိုင် လဲသွားပြီး ဘုရားစင်အခင်း အထပ်သားသို့ မီးကူးစက် လောင်ကျွမ်းခဲ့ခြင်းဖြစ်ကြောင်း သိရသည်။
မီးလောင်မှုကြောင့် အဆောက်အဦးနှင့် နေအိမ်ရှိပစ္စည်များ မီးလောင်ဆုံးရှုံးခဲ့ပြီး မီးလောင်မှုဖြစ်စဥ်တွင် ဒေါ်သန်းသန်းဦး၊ (ဘ)ဦးချစ်အောင်၊ စျေးရောင်းတွင် ဝဲ/ယာလက်ဖမိုး မီးလောင်ဒဏ် ရာ(မစိုးရိမ်ရ)၊ မဆုမြတ်လှိုင်၊ (ဘ)ဦးဇော်နိူင်ဦး၊ ဆေးဆိုင်အရောင်းဝန်ထမ်းတွင် ယာ-လက်ဖမိုး၊ ယာ-ပေါင် မီးလောင်ဒဏ်ရာ(မစိုးရိမ်ရ)တို့ ရရှိခဲ့ကြောင်းနှင့် မီးပေါ့ဆစွာသုံးစွဲသူ ဒေါ်သန်းသန်းဦးအား ဥပဒေအရ အမှုဖွင့်အရေးယူထားကြောင်း သိရသည်။
Telegram»…
https://t.me/positiveanglenews