(အားကစား) ဇန်နဝါရီ ၁၈
အေတီကိုအသင်းဟာ စပိန်ကိုဒယ်ရေးဖလားပြိုင်ပွဲ ၁၆ သင်းရှုံးထွက်ပွဲစဉ်အဖြစ် ကစားခဲ့တဲ့ အယ်ချီအသင်းနဲ့ပွဲစဉ်မှာ အနိုင်ရရှိခဲ့ပြီး အသင်းသမိုင်းတစ်လျှောက် ပြိုင်ပွဲစုံ ၁၅ ပွဲဆက် အနိုင်ရရှိခဲ့တဲ့ မှတ်တမ်းကောင်းတစ်ရပ်ကို ပိုင်ဆိုင်ခဲ့ကြောင်း သိရပါတယ်။
အဆိုပါပွဲစဉ်မှာ အေတီကိုအသင်းက အဝေးကွင်းတွင် အယ်ချီအသင်းကို လေးဂိုး၊ ဂိုးမရှိဖြင့် အနိုင်ရရှိ ခဲ့ရာ အေတီကိုအသင်းအတွက် သွင်းဂိုးများကို ပွဲချိန် ၈ မိနစ်နဲ့ ၂၉ မိနစ်တို့တွင် ဆိုလော့ က သွင်းယူပေးခဲ့ပြီး ပွဲချိန် ၆၁ မိနစ်တွင် ရီကွယ်မီ နဲ့ ပွဲချိန် ၇၅ မိနစ်တွင် အယ်ဗာရက်ဇ် တို့က အသီးသီးသွင်းယူပေးနိုင်ခဲ့သည်။
အေတီကိုအသင်းအနေနဲ့ ယခုနှစ်ဘောလုံးရာသီမှာ နည်းပြ ဆီမြွန်နီ လက်အောက်တွင် ရာသီအစပိုင်းက အနည်းငယ်ရုန်းကန်ခဲ့ရသော်လည်း နောက်ပိုင်းတွင် ပြိုင်ပွဲစုံရလဒ်များ ဆက်တိုက်ကောင်းလာမွန်ခဲ့တာ ဖြစ်ပါတယ်။
အေတီကိုအသင်းအနေနဲ့ စပိန်လာလီဂါပြိုင်ပွဲတွင် ၁၉ ပွဲကစားပြီးချိန်၌ အဆင့်(၂)နေရာမှ မြို့ခံ ပြိုင်ဘက် ရီးရဲလ်မက်ဒရစ်အသင်းကို ရမှတ်တစ်မှတ်ဖြတ်တောက်ထားပြီး အမှတ်ပေးဇယားကို ဦးဆောင်နေတာ ဖြစ်ပါတယ်။
Telegram»…
https://t.me/positiveanglenews