အောက်တိုဘာ ၁၇
ယနေ့မွန်းတည့် ၁၂ နာရီ အချိန်ခန့်က နေပြည်တော်၊ ဇေယျာသီရိမြို့နယ်၊ ရေဆင်းအုပ်စု၊ ရွှေကျကျေးရွာတွင် လူတစ်ဦးကြိုးဆွဲချ သေဆုံးကြောင်းသတင်းအရ နယ်မြေရဲစခန်းမှ တာဝန်ရှိသူများသည် ကျေးရွာအုပ်ချုပ်ရေးအဖွဲ့နှင့်အတူ အခင်းဖြစ်ရာနေရာသို့ သွားရောက်စစ်ဆေးခဲ့ကြောင်း သိရသည်။ ဖြစ်စဥ်မှာ ရွှေကျကျေးရွာနေ အိမ်ရှင်ဦးလှထွန်း၏ နေအိမ်အောက်ထပ် အိပ်ခန်းထဲတွင် သားဖြစ်သူ ဦးနေလင်းနိုင် ၂၈ နှစ်သည် သံမန်တလင်းမှ အမြင့်(၇)ပေခန့်ရှိ အပေါ်သစ်သား ခါးပန်းတွင် လည်ပင်းအား အပြာ/အစိမ်းရောင် ပလပ်စတစ်ကျစ်ကြိုးဖြင့် ကြိုးဆွဲချသေဆုံးနေကြောင်း ၊ သေဆုံးသူမှာ မြောက်ဘက်သို့မျက်နှာမူ၍ လျှာတစ်လစ်ထွက်၊ လက်နှစ်ဖက်လက်သီးဆုပ်၊ ငယ်ချီးပါ၊ဒူးထောက်အနေထားဖြင့် သေဆုံးနေကြောင်းသိရသည်။
သေဆုံးသူနေလင်းနိုင်သည် ပြင်ပဒဏ်ရာတစ်စုံတစ်ရာမတွေ့ရှိရဘဲ အသက် ၂၁ နှစ်အရွယ်ကစ၍ စိတ်ကျန်းမာရေးမကောင်းသူဖြစ်ပြီး လွန်ခဲ့သော ၅လ ခန့်က ရန်ကုန်၊ရွာသာယာကြီးဆေးရုံမှ ဆင်းလာကာ စိတ်ဖောက်ပြန်နေသူဖြစ်ကြောင်း၊ နေအိမ်တွင်မိသားစု ၃ ဦးတို့ နေထိုင်ကြပြီး ကြိုးဆွဲချသေဆုံးသူ၏ အလောင်းအား နာရေးကူညီမှုကားဖြင့် နေပြည်တော်ကုတင်(၁၀၀၀)ဆေးရုံသို့ပို့အဆောင်ထားရှိပြီး သေမှုသေခင်းရေးဖွင့် စစ်ဆေးရန်ဆောင်ရွက်လျှက်ရှိကြောင်း သတင်းရရှိသည်။