(စီးပွားရေး) အောက်တိုဘာ ၂၂
ရန်ကုန်တိုင်းဒေသကြီး ရွှေလင်ပန်းရှိ “777” ပလတ်စတစ်စက်ရုံနှင့် စမ်းချောင်းမြို့နယ်ရှိ Royal Khattar Hotel တို့တွင် တရားမဝင် ဓာတ်အားခိုးယူသုံးစွဲမှုများကို ကွင်းဆင်းစစ်ဆေးဖော်ထုတ်ခဲ့သည့် လျှပ်စစ်နှင့်စွမ်းအင်ဝန်ကြီးဌာနမှ ဝန်ထမ်း ၁၂ ဦးကို ဂုဏ်ပြုမှတ်တမ်းလွှာများ ပေးအပ်ခဲ့ကြောင်း သိရသည်။
အဆိုပါ ဂုဏ်ပြုမှတ်တမ်းလွှာပေးအပ်ပွဲကို ယနေ့နံနက် ၉ နာရီတွင် ရန်ကုန်လျှပ်စစ်ဓာတ်အားပေးရေးကော်ပိုရေးရှင်း၌ ကျင်းပခဲ့သည်။
အခမ်းအနားတွင် ရန်ကုန်လျှပ်စစ်ဓာတ်အားပေးရေးကော်ပိုရေးရှင်းဥက္ကဋ္ဌက အမှာစကားပြောကြားခဲ့ပြီး နစ်နာခဲ့သည့် ဓာတ်အားခများ ပြန်လည်ရရှိရေးနှင့် ဓာတ်အားဆုံးရှုံးမှု (Losses) လျှော့ချရေးအတွက် ကြိုးပမ်းဆောင်ရွက်ခဲ့သည့် ဝန်ထမ်း ၁၂ ဦးကို ပြည်ထောင်စုဝန်ကြီးက ချီးမြှင့်သည့် ဂုဏ်ပြုမှတ်တမ်းလွှာများ ပေးအပ်ခဲ့ကြောင်း သိရသည်။
Telegram – t.me/positiveanglenews
#PAN