(ပြည်တွင်း)အောက်တိုဘာ ၂
ရန်ကုန်-မန္တလေး အမြန်လမ်း တလျှောက်ရှိ အချို့လမ်းအပိုင်းများတွင် နှစ်စဥ် အောက်တိုဘာလ မှ ဖေဖော်ဝါရီလ အထိ ည နှင့် နံနက်စောပိုင်း အချိန်များ၌ အပူချိန်ကျဆင်းခြင်း၊ လေထုအတွင်း စိုထိုင်းဆများပြားခြင်းတို့ကြောင့် လမ်းပေါ်နှင့် လမ်းဘေးဝဲယာ မြေသားများပေါ်တွင် ရေငွေ့များ စုဖွဲ့ကာ မြူထူ/မြူ (Fog/Mist)ဖြစ်ပေါ်လေ့ရှိသည်။
ထိုနေရာများသို့မရောက်မီ အဝါခံပေါ်တွင် အနက်ရောင်ဆေးသားဖြင့် “မြူထူထဲသို့ဝင်နေသောကားပုံ” လမ်းညွှန်းအမှတ်အသားများကို သတိပေးစိုက်ထူထားပါသည်။
ထိုဆိုင်းဘုတ်များကိုတွေ့ရှိပါကရှေ့တွင်မြူကျတတ်သောနေရာရှိသည်ဟု သိရှိရမည်ဖြစ်သည်။ မြူထူများရှိနေစဥ်လမ်း၏မြင်ကွင်းမှာ အကန့်အသတ်ရှိနိုင်သဖြင့် လမ်းအသုံးပြုသောယာဥ်များအနေဖြင့် နှင်းခွဲမီး (Fog Light) / ရှေ့မီးကြီး (High Beam Headlight) များဖွင့်၍အရှိန်လျှော့ချဂရုပြုမောင်းနှင်ရန်လိုအပ်ပါကြောင့း အမြန်လမ်းမကြီးထိန်းသိမ်း ပြုပြင်ရေးနှင့် ကြီးကြပ်ရေးအဖွဲ့က ထုတ်ပြန်ထားသည် ။
Telegram – t.me/positiveanglenews
#PAN