(မှုခင်း)စက်တင်ဘာ ၂၃
ရှမ်းပြည်နယ်အရှေ့ပိုင်း တာချီလိတ်မြို့နယ်တွင် ငွေကျပ်သိန်း ၉,၆၀၀ တန်ဖိုးရှိ စိတ်ကြွဆေးပြားများ ဖမ်းဆီးရမိကြောင်း သိရသည်။
စက်တင်ဘာလ ၂၀ ရက် ည ၈နာရီခွဲ အချိန်တွင် တာချီလိတ်မြို့၊ မကာဟိုခမ်းရပ်ကွက်၊ မယ်ဆိုင်ရေချောင်းဘေး၌ မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် သက်သေများနှင့်အတူသတင်းအရ သွားရောက်စစ်ဆေးရှာဖွေရာ စောရန်နိုင်၊ နဝရတ်ဂျ်(ခ)အောင်သူရ၊ အားထူ၊ ဇော်လွင်ဦး(ခ) အဝင်း နှင့် လွမ်းကိုကိုမောင်(ခ)မှတ်ကြီး တို့ ၅ ဦးအား စိတ်ကြွဆေးပြား ၂၄ သိန်း(ဒေသကာလတန်ဖိုးငွေကျပ်သိန်း ၉,၆၀၀)နှင့် လက်ကိုင်ဖုန်း ၆ လုံးတို့အား တွေ့ရှိသိမ်းဆည်းရမိခဲ့သည်။
အဆိုပါဖမ်းဆီးရမိသော တရားခံများဖြစ်သည့် စောရန်နိုင်(၃၆)နှစ်၊ နဝရတ်ဂျ်(ခ)အောင်သူရ(၂၉)နှစ်၊ အားထူ(၂၆)နှစ်၊ ဇော်လွင်ဦး(ခ)အဝင်း(၁၉)နှစ် နှင့် လွမ်းကိုကိုမောင်(ခ)မှတ်ကြီး(၁၈)နှစ်တို့အား တာချီလိတ်မြို့မရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အမှုဖွင့် အရေးယူထားရှိပြီး ကွင်းဆက်များ ဆက်လက်ဖော်ထုတ်လျက်ရှိကြောင်း သိရသည်။
Telegram – t.me/positiveanglenews
#PAN