(နိုင်ငံတကာ) ဇူလိုင် ၁၃
ထိုင်းနိုင်ငံ၊ ဘန်ကောက်မြို့ မြောက်ပိုင်းရှိ Na Ladprao Pub ဘားဆိုင်၌ ယမန်နေ့ဇူလိုင် ၁၂ ရက် ညဘက်ကမီးလောင်ကျွမ်းမှု အကြီးအကျယ်ဖြစ်ပွားခဲ့ရာ လူ ၂၇ ဦးသေဆုံးပြီး ဒဏ်ရာရသူ ၆၃ ဦးရရှိကြောင်း သိရသည်။
ကယ်ဆယ်ရေးအဖွဲ့များ၏ ပြောဆိုချက်အရ မီးလောင်မှုအား သန်းခေါင်ယံအချိန်၌ အကြောင်းကြားခဲ့ခြင်းဖြစ်သည်ဟု သိရသည်။
ထိုင်းဝန်ကြီးချုပ် ပရာယွတ် ချန်အိုချား (သို့မဟုတ်) အနုတင်က မီးလောင်မှုဖြစ်ပွားရာနေရာသို့ ကိုယ်တိုင်ရောက်ရှိလာခဲ့ပြီး သေဆုံးသူ ၂၇ ဦးအား ဆိုင်အတွင်းမှ ရွှေ့ပြောင်းထားကာ ဒဏ်ရာရသူအချို့ကို ဆေးရုံသို့ ပို့ဆောင်ထားကြောင်း သိရသည်။
ဘန်ကောက်မြို့တော်ဝန် စစ်တီပွန့်က သေဆုံးသူအများစုမှာ မီးခိုးရှူရှိုက်မိခြင်းကြောင့် သေဆုံးခဲ့ရခြင်းဖြစ်သည်ဟု ဆိုသည်။ ဘား၌ ဖျော်ဖြေသည့် အဆိုတော်တစ်ဦး၏ ပြောပြချက်အရ စင်မြင့်အနီးရှိ လျှပ်စစ်ဘရိတ်ကာမှ မီးခိုးထွက်လာသည်ကို တွေ့ရှိပြီးနောက် မကြာမီ လျှပ်စစ်မီးပြတ်တောက်သွားကာ ပေါက်ကွဲသံတစ်ခု ကြားခဲ့ရသည်ဟုသိရသည်။
ဝန်ကြီးချုပ် အနုတင်က သေဆုံးသူအများစုအား ဆိုင်၏ နောက်ဘက်ရှိ အိမ်သာအနီး၌ တွေ့ရှိခဲ့ရကြောင်း သိရသည်။
မီးလောင်မှုဖြစ်ပွားချိန်၌ လူအများစုက မီးမရောက်နိုင်သော အိမ်သာအနီးသို့ ထွက်ပြေးသွားကြသော်လည်း ကယ်ဆယ်ရေးအဖွဲ့များ ဝင်ရောက်ကူညီရန် အခက်အခဲများရှိခဲ့ပြီး မီးခိုးဒဏ်ကို မခံနိုင်ခဲ့ကြသောကြောင့် အများစု သေဆုံးခဲ့ရခြင်းဖြစ် ကြောင်းသိရသည်။
မီးသတ်တပ်ဖွဲ့ဝင်များက မီးအား ထိန်းချုပ်နိုင်ရန် မိနစ် ၃၀ ခန့် ကြိုးပမ်းခဲ့ေကြာင်းသိရသည်။
မီးလောင်ပြီးနောက် ရိုက်ကူးထားသော ဓာတ်ပုံများတွင် စားပွဲများ၊ ထိုင်ခုံများ မီးလောင်ကျွမ်းပျက်စီးနေပြီး ဘားအတွင်းပိုင်းတစ်ခုလုံး အကြီးအကျယ်ပျက်စီးသွားရကြောင်းသိရသည်။
ဘန်ကောက်မြို့တော်ဝန် စစ်တီပွန့်က မီးသည် ဆိုင်မျက်နှာကျက်တွင် တပ်ဆင်ထားသော အလှဆင်ပစ္စည်းများမှတစ်ဆင့် လျင်မြန်စွာ ပျံ့နှံ့ခဲ့ကြောင်းနှင့် အဆိုပါပစ္စည်းများ မီးလောင်ရာမှ ထွက်ပေါ်လာသော အဆိပ်ဓာတ်ပါ မီးခိုးများကြောင့် သေဆုံးသူဦးရေ မြင့်တက်ခဲ့ရသည်ဟု ဆိုသည်။
လက်ရှိတွင် သေဆုံးသူများ၏ အမည်နှင့် အထောက်အထားများကို စိစစ်အတည်ပြုနေဆဲဖြစ်ကြောင်း အာဏာပိုင်များက ထုတ်ပြန်ထားသည်။
Telegram -t.me/positiveanglenews
#PAN