(နိုင်ငံတကာ) ဇူလိုင် ၁၂
ပါကစ္စတန်နိုင်ငံ အနောက်တောင်ပိုင်း ဘလူချီစတန်ပြည်နယ်တွင် ခွဲထွက်ရေး သူပုန်အဖွဲ့၏ အကြမ်းဖက်တိုက်ခိုက်မှုများကြောင့် ရဲတပ်ဖွဲ့ဝင်များ အစုလိုက်အပြုံ လိုက် သေဆုံးခဲ့ရပြီးနောက် ပါကစ္စတန် လုံခြုံရေးတပ်ဖွဲ့များက အကြီးစားစစ်ဆင် ရေးများ ဆင်နွှဲကာ သူပုန် ၇၅ ဦးကို ချေမှုန်းနိုင်ခဲ့ကြောင်း တာ ဝန်ရှိသူများက သောကြာနေ့တွင် အတည်ပြုပြောကြားခဲ့သည်။
အကြမ်းဖက်မှုများသည် တနင်္လာနေ့နှောင်းပိုင်းတွင် ကွီတားမြို့၏ ရေပေးဝေရေးအတွက် အဓိကကျသော မန်ဂီဆည်အနီးရှိ ရဲကင်းစခန်းကို “ဘလူချီ လွတ်မြောက်ရေးတပ်မတော် (BLA)” အဖွဲ့က အင်အားသုံး တိုက်ခိုက်ခြင်းဖြင့် စတင်ခဲ့သည်။
အဆိုပါတိုက်ခိုက်မှုတွင် ရဲအရာရှိ ၉ ဦးနှင့် သူပုန် ၁၅ ဦး သေဆုံးခဲ့ပြီး၊ ရဲတပ်ဖွဲ့ဝင် ၁၈ ဦးကို သူပုန်များက ပြန်ပေးဆွဲသွားခဲ့သည်။ နောက်ပိုင်းတွင် ပြန်ပေးဆွဲခံရသည့် ရဲအရာရှိ ၁၈ ဦး၏ ရုပ်အလောင်းများကို အနီးရှိ တောင်ကုန်းများတွင် မျက် လုံးအစွပ်ခံထားရပြီး ပစ်သတ်ထားသည့် အနေအထားဖြင့် ပြန် လည်တွေ့ရှိခဲ့ရသည်။
ယင်းသို့ ရဲတပ်ဖွဲ့ဝင်များ ရက်စက်စွာ အသတ်ခံရမှုအပြီးတွင် ပါကစ္စတန်တပ်မတော်၊ နယ်ခြားစောင့်တပ်နှင့် ရဲတပ်ဖွဲ့တို့ ပူး ပေါင်း၍ လေကြောင်းနှင့် မြေပြင်အင်အားအသုံးပြုကာ အကြီးစား စစ်ဆင်ရေးများကို ဒေသတစ်ခွင် ဆင်နွှဲခဲ့သည်။
အဆိုပါ စစ်ဆင်ရေးအတွင်း သူပုန် ၇၅ ဦးကို ချေမှုန်းနိုင်ခဲ့ကြောင်း အစိုးရအရာရှိများက ထုတ်ပြန်ခဲ့သည်။ ဝန်ကြီးချုပ် ရှာဘာဇ် ရှရစ်ဖ်ကလည်း သေဆုံးသွားသော ရဲအရာရှိများ၏ မိသားစုများနှင့် တွေ့ဆုံ၍ လျော်ကြေးငွေများ ထောက်ပံ့ပေး အပ်ခဲ့ပြီး ကျူးလွန်သူများကို ထိရောက်စွာ အရေးယူသွားမည်ဟု ကတိပြုခဲ့သည်။
ဘလူချီစတန်ပြည်နယ်သည် ပါကစ္စတန်နိုင်ငံ၏ အကြီးဆုံးပြည်နယ်ဖြစ်ပြီး တရုတ်-ပါကစ္စတန် စီးပွားရေးစင်္ကြံ (CPEC) စီမံကိန်းများ၏ အဓိကနေရာဖြစ်သည့်အတွက် မဟာဗျူဟာမြောက် အလွန်အရေးပါလျက်ရှိသည်။ သူပုန်များသည် ပါကစ္စတန် လုံခြုံရေးတပ်ဖွဲ့များအပြင် ဒေသတွင်းရှိ တရုတ်တို့၏ အကျိုးစီးပွားများကိုလည်း ထပ်ခါတလဲလဲ ပစ်မှတ်ထားတိုက် ခိုက်လျက်ရှိသည်။
သို့သော် ဒေသခံခွဲထွက်ရေး လက်နက်ကိုင်အဖွဲ့များက ကိုယ် ပိုင်အုပ်ချုပ်ခွင့်နှင့် လွတ်လပ်ရေးကို တောင်းဆိုကာ လုံခြုံရေးတပ်ဖွဲ့များအပြင် တရုတ်စီမံကိန်းများကိုပါ ပစ်မှတ်ထား၍ ဆယ်စုနှစ်များစွာ ကြာမြင့်သည့် ပုန်ကန်မှုများကို လုပ်ဆောင်လျက်ရှိသည်။
ပါကစ္စတန်၏ အကြီးဆုံးဖြစ်သော်လည်း လူဦးရေအနည်းဆုံး ပြည်နယ်ဖြစ်သော ဘလူချီစတန်တွင် ကိုယ်ပိုင်အုပ်ချုပ်ခွင့် သို့မဟုတ် လွတ်လပ်ရေးကို တောင်းဆိုနေကြသည့် လူမျိုးစု ဘလူချီအဖွဲ့များ ဦးဆောင်သော ဆယ်စုနှစ်ပေါင်းများစွာ ကြာမြင့်သည့် ခွဲထွက်ရေး သူပုန်လှုပ်ရှားမှုများ ရှိနေသည်။
Telegram»… https://t.me/positiveanglenews
#PAN