(နိုင်ငံတကာ) ဇွန် ၂
အမေရိကန်သမ္မတ ဒေါ်နယ်ထရမ့်သည် ၎င်း၏ ရီပတ်ဘလစ်ကန် ပါတီဝင်များအပါအဝင် ကွန်ဂရက်လွှတ်တော်တွင်းမှ ပြင်း ထန်သော ကန့်ကွက်မှုများနှင့် ရင်ဆိုင်ခဲ့ရပြီးနောက် အငြင်းပွားဖွယ်ရာ ဒေါ်လာ ၁.၈ ဘီလီယံတန် “လက် နက်သဖွယ် အသုံးချမှု ဆန့်ကျင်ရေး” (Anti-weaponisation) ရန်ပုံငွေ အစီအစဉ်ကို ယာယီဆိုင်းငံ့ရန် သဘောတူညီလိုက်ကြောင်း သိရသည်။
အဆိုပါ ရန်ပုံငွေကို ပြီးခဲ့သည့် မေလအတွင်းက သမ္မတထရမ့်နှင့် ၎င်း၏ လက်အောက်ခံ ပြည်တွင်းအခွန်များဦးစီးဌာန (IRS)အကြား အခွန်အချက်အလက် ပေါက်ကြားမှုအရေး တရားစွဲဆိုထားမှုကို အမှုကျေအေးရာမှတစ်ဆင့် တရားရေးဝန်ကြီးဌာနက စတင်ထူထောင်ရန် ပြင်ဆင်ခဲ့ခြင်းဖြစ်သည်။
သမ္မတထရမ့်က အစိုးရယန္တရားအား လက်နက်သဖွယ် အလွဲ သုံးစားလုပ်ပြီး မတရားတရားစွဲဆိုခြင်း ခံရသူများအတွက် ရည်ရွယ်သည်ဟု ဆိုသော်လည်း၊ လွှတ်တော်အမတ်များကမူ ၎င်းသည် သမ္မတ၏ ကိုယ်ပိုင်အကျိုး စီးပွား ပဋိပက္ခဖြစ်ပြီး ၎င်း၏ မဟာမိတ်များနှင့် ဇန်နဝါရီ ၆ ရက် လွှတ်တော်စီးနင်းသူများကို ငွေထုတ်ပေးမည့် “ကိုယ် ပိုင်စုဗူး” သဖွယ်ဖြစ်နေကြောင်း ဝေဖန်ခဲ့ကြသည်။ ရီပတ်ဘလစ်ကန် အထက်လွှတ် တော်အမတ် သွန်မ်တစ်လစ်က ယခုရန်ပုံငွေကို “လူမိုက်တွေအတွက် ငွေထုတ်ပေးတဲ့အိုး” ဟု ပြင်းပြင်းထန်ထန် သုံးနှုန်းခေါ်ဆိုခဲ့သည်။
ယခုရန်ပုံငွေကိစ္စကြောင့် ရီပတ်ဘလစ်ကန်ချင်း ကွဲလွဲကာ ထရမ့်၏ ဒေါ်လာ ၇၂ ဘီလီယံတန် လူဝင်မှုကြီးကြပ် ရေး ရန်ပုံငွေဥပဒေကြမ်းကို အထက်လွှတ်တော်က အတည်မပြုဘဲ ဆိုင်းငံ့ထားခဲ့ရာမှ၊ ယခုအခါ အိမ်ဖြူတော်က ရန်ပုံ ငွေကို ဆိုင်းငံ့ရန် သဘောတူလိုက်သဖြင့် လူဝင်မှုကြီးကြပ် ရေးဥပဒေကြမ်း ပြန် လည်အသက်ဝင်လာမည့် အရိပ်အယောင်များ ရှိနေသည်။
တရားရုံးများဘက်ကလည်း ဇန်နဝါရီ ၆ ရက် ဖြစ်စဉ်တွင် ဒဏ်ရာရခဲ့သည့် ရဲအရာရှိများနှင့် CREW အဖွဲ့တို့၏ တရားစွဲဆိုကန့်ကွက်မှုများကြောင့် ဖက်ဒရယ်တရားသူကြီးက ရန်ပုံငွေထူထောင်ခြင်းကို ယာယီပိတ်ပင်ထားသည်။
တရားရေးဝန်ကြီးဌာနက တရားရုံးအမိန့်အတိုင်း လိုက် နာဆိုင်းငံ့မည်ဟု ထုတ်ပြန်ထားသော်လည်း၊ ဒီမိုကရက်တစ်ခေါင်း ဆောင် ချပ်ခ်ရှူးမားကမူ “ထရမ့်ရဲ့ ကတိကဝတ်ကို မယုံကြည်နိုင်ကြောင်းနှင့် ဤအကျင့်ပျက်ခြစားမှု အစီအစဉ်ကို ဥပဒေအရ လုံးဝပိတ်ပင်တားမြစ်နိုင်သည်အထိ ဥပဒေ ကြမ်းတွန်းအားပေးသွားမည်” ဟု ဆိုသည်။
အိမ်ဖြူတော်နှင့် တရားရေးဌာနကမူ ဤရန်ပုံငွေသည် ပါတီစွဲမရှိဘဲ မတရားနှိပ်စက်ခံရသူ မည်သူမဆိုအတွက် ပွင့်လင်းစွာ ထူထောင်ထားခြင်းဖြစ်ကြောင်း ခုခံပြောဆိုထားသည်။
Telegram»…
https://t.me/positiveanglenews
#PAN