(မှုခင်း) မေ ၂၅
ရန်ကုန်-မန္တလေးအမြန်လမ်းမကြီးတွင် တစ်နေ့တည်း ယာဉ်တိမ်းမှောက်မှု ၂ ကြိမ် ဖြစ်ပွားရာမှ ၂ဦး သေဆုံးပြီး ၇ ဦး ထိခိုက်ဒဏ်ရာရရှိခဲ့ကြောင်း သိရသည်။
ယနေ့ မွန်းလွဲ၃နာရီအချိန်က ရန်ကုန်-မန္တလေးအမြန်လမ်း မိုင်တိုင် ၁၃၆/၆- ၁၃၆/၇ကြား (ရန်ကုန်ဘက်မှ နေပြည်တော်ဘက်သို့)(အသွားလမ်း) တွင် ယာဉ်မောင်းပါ ကျား(၄)ဦး ၊မ(၁)ဦး ပေါင်း (၅)ဦး လိုက်ပါလာသည့် Toyota Wish အမျိုးအစား အဖြူရောင် ယာဉ်သည် အရှိန် မထိန်းနိုင်ဘဲ လမ်းဘေးသို့ရောက်ရှိကာ, လမ်းတာဘောင်ထိပ်ရှိ အရိပ်ရ သစ်ပင် ၂ပင်အား ဝင်ရောက်တိုက်မိပြီး ရှေ့ဘီးပြုတ်ထွက်ကာ လမ်းနယ်အစွန် ရေမြောင်းအနီးသို့ ရောက်ရှိ ခဲ့သော ယာဉ်တိုက် မှုတစ်ခုဖြစ်ပွားခဲ့ကြောင်း သိရသည်။
အဆိုပါ ဖြစ်စဉ်ကြောင့် ယာဉ်ပေါ်ပါ ကျား(၂)ဦးနှင့်မ(၁)ဦးမှာ ထိခိုက်ဒဏ်ရာ အသီးသီးရရှိကြောင်း သိရသည်။
ယနေ့ နံနက် ၉နာရီခွဲအချိန်က ရန်ကုန်–မန္တလေးအမြန်လမ်းမကြီး မိုင်တိုင်အမှတ် (၃၃၃/၆) နှင့် (၃၃၃/၇) ကြား၌ ယာဉ်တိမ်းမှောက်မှုဖြစ်ပွားခဲ့ရာ အမျိုးသမီး၂ဦးသေဆုံးခဲ့ပြီး ၄ဦးထိခိုက်ဒဏ်ရာများရရှိခဲ့ကြောင်း သိရသည်။
ယာဉ်မောင်းများ အနေဖြင့် မိမိယာဉ်၏ ဘရိတ်မိ/မမိ,တာယာများပန်းရှိ/မရှိ, တာယာ ထုတ်လုပ်မှု သက်တမ်း၃နှစ်ကျော်/မကျော်, ရှေ့မီးကြီး/ နောက်ဘရိတ်မီး/ အချက်ပြ မီးများ ကောင်း/မကောင်း စစ်ဆေးပြု ပြင်ပြီးမှ သာမောင်းနှင်ကြပါ ရန်နှင့် ယာဉ် အမျိုးအစား အလိုက် သတ်မှတ်အမြန်နှုန်း ထက် ပိုမိုမောင်းနှင်ခြင်း မပြုကြပါရန်, မိုးရွာနေပါက သတ်မှတ်နှုန်းအောက်လျှော့၍မောင်းကြပါရန် အမြန်လမ်းမကြီးထိန်းသိမ်းပြုပြင်ရေးနှင့်ကြီးကြပ်ရေးအဖွဲ့က မေတ္တာရပ်ခံထားသည်။