(မှုခင်း)မေ ၂၂
ရှမ်းပြည်နယ်၊လာရှိူးမြို့နှင့်ညောင်ရွှေမြို့တွင် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့နှင့် ပြည်နယ်ရဲတပ်ဖွဲ့တို့က သီးခြားစီ စစ်ဆေးရှာဖွေမှုများ ပြုလုပ်ရာမှ မူးယစ်ဆေးဝါးများ သိမ်းဆည်းရမိခဲ့သည်။
လားရှိုးမြို့၊ ရပ်ကွက်(၅)၊ (၅၄)လမ်းနေ အကျင်ရှောင်(၂၇ နှစ်)၏ နေအိမ်အား ဝင်ရောက်ရှာဖွေရာ ယမန်နေ့ မေလ ၂၁ ရက် နံနက် ၁၀ နာရီ ၂၀ မိနစ်အချိန်က၎င်းထံမှ စိတ်ကြွရူးသွပ်ဆေးပြား ၂,၆၀၀ ပြား(တန်ဖိုးငွေကျပ် ၁၃ သိန်း)၊ ဘိန်းစိမ်း ၁ ကီလို(တန်ဖိုး ၇ သိန်း)၊ ဘိန်းဖြူ ၂၆၀ ဂရမ်(တန်ဖိုး ၅၂ သိန်း)နှင့် လက်ကိုင်ဖုန်း ၁ လုံးတို့ကို တွေ့ရှိသိမ်းဆည်းရမိခဲ့သည်။ အကျင်ရှောင်အား လားရှိုးမြို့မရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာ ဥပဒေအရ အမှုဖွင့် အရေးယူထားသည်။
အလားတူ ညောင်ရွှေမြို့နယ်၊ ပွဲစားကုန်းလယ်ပြင်ကျေးရွာအနီးတွင် မသင်္ကာဖွယ်တွေ့ရှိရသူ ဇော်လွင်ဦး(ခ)အယ်ဇော်(၄၄ နှစ်)အား မေလ ၂၀ ရက် ညနေ ၄ နာရီ ၃၀ မိနစ်အချိန်က စစ်ဆေးရှာဖွေခဲ့ရာ၎င်းထံမှ စိတ်ကြွရူးသွပ်ဆေးပြား ၁၀,၀၀၀ ပြား(တန်ဖိုးငွေကျပ် သိန်း ၅၀)ကို တွေ့ရှိသိမ်းဆည်းရမိခဲ့သည်။ ဇော်လွင်ဦးအား ညောင်ရွှေမြို့မရဲစခန်းတွင် အဆိုပါဥပဒေဖြင့် အမှုဖွင့်အရေးယူထား ကြောင်း သိရသည်။