(မှုခင်း) မေ ၄
နေပြည်တော်၊ ပျဥ်းမနားမြို့နယ်၊ တောင်သာအုပ်စု၊ သူဌေးကုန်းကျေးရွာသူဌေးကုန်းကွက်သစ်တွင် မီးလောင်မှူ့ဖြစ်ပွားခဲ့ကြောင်း သိရသည်။
ယမန်နေ့ည ၁၀နာရီ၁၅မိနစ်အချိန်က သူဌေးကုန်းရွာ၊သူဌေးကုန်းကွက်သစ်ရှိ ဒေါ်ယဥ်ယဥ်ကြည်၏ နေအိမ်အပေါ်ထပ်တွင် ဖုန်းအားသွင်ရာမှ အားသွင်းကြိုးအပူလွန်ကဲ၍ ပေါက်ကွဲခဲ့ပြီး မီးစတင်လောင်ကျွမ်းခဲ့ရာ လူနေအိမ် ၂ထပ် ၆ခန်းတွဲ မီးလောင်ဆုံးရှုံးခဲ့ကြောင်း သိရသည်။
မီးလောင်သည့် နေရာသို့ မြို့နယ်မီးသတ်တပ်ဖွဲ့မှ level1ယာဥ်များထွက်ခွာပြီး မီးသတ်တပ်ဖွဲ့ဝင်များ၊ ဒေသခံပြည်သူများ ဝိုင်းဝန်း မီးငြိမ်းသတ်ခဲ့ရာ ည၁၀နာရီ၄၅မိနစ်တွင် မီးငြိမ်းသတ်နိုင်ခဲ့သည်။
အဆိုပါ မီးလောင်မှုကြောင့် အိမ်ထောင်စု ၁၃စု၊ လူဦးရေ၄၆ဦး မီးဘေးသင့်ခဲ့ပြီး အမျိုးသမီး၁ဦး၊အမျိုးသား၁ဦး မီးလောင်ဒဏ်ရာရှိခဲ့ကြောင်း ၊၎င်းလူနာနှစ်ဦးအား ပျဥ်းမနားပြည်သူ့ဆေးရုံသို့ပို့ဆောင်ထားကြောင်း သိရသည်။