(နိုင်ငံတကာ)မတ် ၈
ကမ္ဘာ့စစ်ရေးလေ့လာသူများကို အံ့အားသင့်စေသည့် သတင်းတစ်ရပ်အဖြစ် အီရန်တော်လှန်ရေးအစောင့်တပ် (IRGC) ၏ အထူးတပ်ဖွဲ့အကြီးအကဲ အစ္စမေးလ် ကာအာနီ သည် အစ္စရေးနိုင်ငံအတွင်းသို့ ရောက်ရှိနေပြီး ဘေးကင်းလုံခြုံစွာ ရှိနေကြောင်း အီရန်တော်လှန်ရေးအစောင့်တပ် (IRGC)၏ ထုတ်ပြန်ချက်တစ်ရပ် ထွက်ပေါ်လာသည်။
“ဗိုလ်ချုပ် ကာအာနီသည် လက်ရှိတွင် အစ္စရေးနိုင်ငံ (Zionist entity) အတွင်း၌ ရှိနေပြီး ဘေးကင်းလုံခြုံစွာ ရှိနေပါသည်” ဟု ၎င်းထုတ်ပြန်ချက်တွင် ဖော်ပြထား သည်။
အီရန်၏ စစ်ဆင်ရေးများကို အဓိကကွပ်ကဲသူ ကာအာနီသည် အစ္စရေးနိုင်ငံအတွင်းသို့ မည်သည့်နည်းလမ်းဖြင့် ရောက်ရှိသွားသည်ကို အသေးစိတ် မသိရသေးသော်လည်း ၎င်းသည် ဘေးကင်းစွာ ရှိနေကြောင်း အဆိုပါ ထုတ်ပြန်ချက်က အတည်ပြုထား သည်။
၎င်းသည် လျှို့ဝှက်စစ်ဆင်ရေးတစ်ခုအတွက် ရောက်ရှိနေခြင်းလား သို့မဟုတ် အခြားအကြောင်းအရင်း တစ်ခုခုကြောင့်လားဆိုသည်မှာ ဝေခွဲမရသေးဘဲ အစ္စရေးနှင့် အီရန်တို့ကြား တင်းမာမှုများကို အမြင့်ဆုံးသို့ ရောက်ရှိစေခဲ့သည်။
လွန်ခဲ့သည့် ရက်ပိုင်းများအတွင်း ဗိုလ်ချုပ် ကာအာနီ ပျောက်ဆုံးနေသည် သို့မဟုတ် အစ္စရေး၏ တိုက် ခိုက်မှုကြောင့် ဒဏ်ရာရ/သေဆုံးသွားသည်ဟူသော သတင်းများ အနောက်နိုင်ငံမီဒီယာများတွင် ထွက်ပေါ်ခဲ့ပြီးနောက်၊ ထိုသတင်းများကို တုံ့ပြန်ရန်အတွက် IRGC က ယခုကဲ့သို့ ထုတ်ပြန်လိုက်ခြင်း ဖြစ်သည်။
The Jerusalem Post နှင့် Times of Israel သတင်းစာများက အီရန်ဘက်က ထုတ်ပြန်ချက်ကို “စိတ်ဓာတ်စစ်ဆင်ရေး (Psychological Warfare)” တစ်ခုအဖြစ်သာ ရှုမြင်ကြပါတယ်။ ကာအာနီဟာ အမှန်တကယ် အစ္စရေးမှာ ရှိနေတာ မဟုတ်ဘဲ၊ သူ့ကို အစ္စရေးက လုပ်ကြံလိုက်ပြီဆိုတဲ့ ကောလာဟလတွေကို တုံ့ပြန်ဖို့နဲ့ အီရန်ရဲ့ ထောက်လှမ်းရေးစွမ်းရည်ကို ကြွားဝါဖို့အတွက် အီရန်ဘက်က လုပ်ကြံဖန်တီးလိုက်တဲ့ သတင်းလို့ ရေးသားနေကြပါတယ်။
ကာအာနီဟာ အစ္စရေးရဲ့ Mossad ထောက်လှမ်း ရေးအဖွဲ့အတွက် သူလျှိုလုပ်ပေးနေတယ်ဆိုတဲ့ သံသယကြောင့် အီရန်အစိုးရ (IRGC) ကိုယ်တိုင်က သူ့ကို ဖမ်းဆီးစစ်ဆေးနေတာ ဒါမှမဟုတ် ကွပ်မျက်လိုက်ပြီဆိုတဲ့ အတည်မပြုနိုင်သေးတဲ့ သတင်းတွေလည်း ပျံ့နှံ့နေတာကြောင့် အီရန်ဘက်က “သူ အစ္စရေးမှာ ရောက်နေပြီး ဘေးကင်းပါတယ်” လို့ ထုတ်ပြန်တာဟာ သူ့ကို အီရန်ကပဲ ဖမ်းထားတာ (သို့မဟုတ်) ကွပ်မျက်လိုက်တာကို ဖုံးကွယ်ဖို့ ကြိုးစားတာ ဖြစ်နိုင်တယ်လို့ အစ္စရေးဘက်က ဝေဖန်နေကြပါတယ်။
ဒီသတင်းနှင့် ပတ်သက်လို့ အစ္စရေးစစ်ဘက် (IDF) ဘက်မှ တရားဝင် ထုတ်ပြန်ချက် ထွက်ပေါ်လာခြင်း မရှိသေးသော်လည်း လုံခြုံရေးကို အထူးတင်းကျပ်ထားကြောင်း သိရသည်။ အစ္စရေးစစ်တပ်ဘက်ကတော့ ဒီကိစ္စနဲ့ ပတ်သက်ပြီး “မှတ်ချက်ပေးရန် ငြင်းဆိုထားပါတယ်”။ ဒါဟာ အစ္စရေးရဲ့ ပုံမှန်လုပ်ဆောင်ချက်ဖြစ်ပြီး၊ ရန်သူ့ဘက်က ရှုပ်ထွေးအောင်လုပ်တဲ့ သတင်းတွေကို အလေးမပေးတဲ့ သဘောမျိုး ပြသနေတာ ဖြစ်ပါတယ်။
#PositiveAngle #EsmailQaani #IsraelReaction #IntelligenceWar
Telegram»…
https://t.me/positiveanglenews
#PAN