(မှုခင်း) စက်တင်ဘာ ၁၇
နေပြည်တော်၊ဇေယျာသီရိခရိုင်၊ ပုဗ္ဗသီရိမြို့နယ်၊ ဝဲကြီးကျေးရွာအုပ်စု၊ ကျောင်းကုန်းကျေးရွာနှင့် ဝဲကြီးကျေးရွာ ကျေးရွာချင်းဆက်လမ်း မီးရထားသံလမ်းတွင် ထော်လာဂျီနှင့်ရထားတိုက်မှုဖြစ်ပွားခဲ့ကြောင်း သိရသည်။
စက်တင်ဘာ ၁၆ရက် နံနက်၁၁နာရီဝန်းကျင်အချိန်က ကျောင်းကုန်းကျေးရွာ ရထားသံလမ်းကူးတွင် ဦးပိုင်ဦး(သ) ၃၂နှစ်၊ (ဘ)ဦးဌေးဦး၊ နွယ်ရစ်ကျေးရွာ၊ တပ်ကုန်းမြို့နယ်နေထိုင်သူ မောင်းနှင်ပြီး မောင်သိန်းဇော်(သ) ၁၇နှစ်၊ (ဘ)ဦးမြင့်အေးနှင့် ဦးလှိုင်မိုးဦး(သ)၂၁နှစ်၊ (ဘ)ဦးမောင်ပုတို့ လိုက်ပါလာသော ယာဥ်အမှတ် ၉ဌ/ ၃၄၀၂၀ ထော်လာဂျီ အစိမ်းရောင်ယာဥ်သည် ကျောင်းကုန်းကျေးရွာဘက်မှ ဝဲကြီးကျေးရွာဘက်သို့ မီးရထားသံလမ်းကူးအား ဖြတ်သန်းမောင်းနှင်စဥ် မန္တလေး- နေပြည်တော် အစုန်ရထားနှင့် တိုက်မိခဲ့ကြောင်း သိရသည်။
အဆိုပါ ရထားတိုက်မှုဖြစ်စဥ်ကြောင့် ဦးပိုင်ဦး(ဘ)ဦးဌေးဦးတွင် ဝဲဘက်ခြေသလုံး ပေါက်ပြဲဒဏ်ရာ၊ ယာဒူး ပွန်းခြစ်ပေါက်ပြဲဒဏ်ရာ၊ ဦးခေါင်းဖူးရောင် (စိုးရိမ်ရ)၊ မောင်သိန်းဇော်တွင် ယာဘက်လက် ဖူးရောင်နာကျင်ဒဏ်ရာနှင့် ဦးလှိုင်မိုးဦးတွင် ဝဲလက်ပေါက်ပြဲဒဏ်ရာ၊ ဝဲဒူးခေါင်း ပေါက်ပြဲဒဏ်ရာတို့ အသီးသီးရရှိခဲ့ပြီး ဇေယျာသီရိမြို့နယ်၊ ကုတင်(၅၀)ဆေးရုံသို့ ပို့ဆောင်ထားကြောင်း သိရသည်။