(ပြည်တွင်း) ဖေဖော်ဝါရီ ၂၅
မကွေးတိုင်းဒေသကြီး၊ နတ်မောက်မြို့နယ်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနရုံးမှ ၂ဝ၂၅ ခုနှစ်၊ မတ်လ ၃ ရက်မှ စတင်ပြီး ကျောင်းသား၊ ကျောင်းသူများအား ကျောင်းပိတ်ရက်နွေရာသီကာလအတွင်း၌ အချိန်ကိုအကျိုးရှိစွာ အသုံးချတတ်စေရန် ပညာရေးကို အမြဲမပျက်ဆည်းပူးလေ့လာမှုရှိစေရန်စတဲ့ ရည်ရွယ်ချက်များဖြင့် ၂ဝ၂၄-၂ဝ၂၅ ခုနှစ်အတွင်း လူငယ်များဖွံ့ဖြိုးတိုးတက်စေရေးအတွက် အထောက်အကူဖြစ်စေမည့် နွေရာသီသင်တန်းများအား အခမဲ့ ဖွင့်လှစ်ပေးသွားမည်ဖြစ်ကြောင်း သိရပါတယ်။
အဆိုပါ နွေရာသီကျောင်းပိတ်ရက်များတွင် မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန ဦးစီးအရာရှိ၏ ကြီးကြပ်မှုဖြင့် အသက်မွေးဝမ်းကျောင်း အထောက်အကူဖြစ်စေမည့် ကွန်ပျူတာသင်တန်း၊ အင်္ဂလိပ်စာသင်တန်းနှင့် ပန်းချီသင်တန်းတို့ကို မတ်လ ၃ ရက်မှ စတင် ဖွင့်လှစ်သင်ကြားပေးသွားမှာဖြစ်ပါတယ်။
လက်ရှိမှာတော့ မကွေးမြို့ပေါ်ရှိ အခြေခံပညာကျောင်းများရှိ ကျောင်းသား၊ ကျောင်းသူ ၁၁၅ ဦး စာရင်းပေးလျက်ရှိကြောင်း သိရပါတယ်။
Telegram»…
https://t.me/positiveanglenews