(ပြည်တွင်း)ဇွန် ၁၂
မန္တလေးတိုင်းဒေသကြီး ချမ်းအေးသာစံမြို့နယ်၊အောင်နန်းရိပ်သာအရှေ့ရပ်ကွက်၊အကွက်(၅၅၉)၊၈၄×၃၄ လမ်းထောင့်ရှိ ဇွဲထက်ရွှေဆိုင်(၄)၌ ပေါက်ကွဲမှု ဖြစ်ပွားကြောင်း သိရသည်။
ဖြစ်စဥ်မှာ ယနေ့ မွန်းလွဲ၂နာရီအချိန်ခန့်က အမည်မသိ အမျိုးသား ၂ဦးသည် CZI-125 ဆိုင်ကယ်ဖြင့် ၃၄လမ်းအတိုင်း အရှေ့မှ အနောက်သို့မောင်းနှင်လာပြီး ၃၄×၈၄ လမ်းထောင့်အရောက်တွင် ဆိုင်ကယ်ပေါ် နောက်ထိုင် လိုက်ပါလာသူမှ လက်လုပ်ဗုံးဖြင့် ပစ်ပေါက်ခဲ့ရာ ဇွဲထက်ရွှေဆိုင် မျက်နှာစာသို့ ကျရောက်ပေါက်ကွဲခဲ့ပါသည်။
အဆိုပါလက်လုပ်ဗုံး ပေါက်ကွဲမှုကြောင့် Yinanbo အမျိုးစား 125 အနက်ရောင်ဆိုင်ကယ်နှင့် ဆိုင်ကလုန်း အနက်ရောင် ဆိုင်ကယ် တို့မှာ အနည်းငယ် ပျက်စီးခဲ့ပြီး မကြယ်စင်ဝင်းလဲ့အောင်၊ရွှေဆိုင်ဝန်ထမ်းတွင် ဝဲဘက်လက်ဖျံ ဗုံးစထိမှန်ဒဏ်ရာ(မစိုးရိမ်ရ)၊ရှိုင်းမင်းဦး၊ရွှေဆိုင်ဝန်ထမ်းတွင် ယာ-လက်မောင်း ဗုံးစထိမှန်ဒဏ်ရာ၊ဝဲ-နားနောက် ဗုံးစထိမှန်ဒဏ်ရာ(မစိုးရိမ်ရ)၊ထွန်းထွန်းအောင်၊ရွှေဆိုင်ဝန်ထမ်းတွင် ယာဘက်ရင်အုံ ဗုံးစထိမှန်ဒဏ်ရာ(မစိုးရိမ်ရ)၊သန်းထိုက်၊ရွှေဆိုင်ဝန်ထမ်းတွင် နောက်ကျော ဗုံးစထိမှန်ဒဏ်ရာ(မစိုးရိမ်ရ)၊ကိုကိုနောင်၊ ရွှေဆိုင်ဝန်ထမ်းတွင် ဝဲ-ခြေသလုံးနှင့်ဝဲဘက်နံဘေးတွင် ဗုံးစထိမှန် ဒဏ်ရာ(မစိုးရိမ်ရ)တို့ ထိခိုက်ဒဏ်ရာ ရရှိခဲ့ကြောင်း သိရှိရသည်။
#PAN#ZN