ဇူလိုင် ၂၂
ယမန်နေ့ နံနက် ၄ နာရီအချိန်ခန့်တွင် ရှမ်း ပြည်နယ်(မြောက်ပိုင်း)၊ လားရှိုးမြို့၊ရပ်ကွက်(၆)၊ နယ်မြေ(၁)၊ လမ်းမတော်လမ်းရှိ Sunny ဟိုတယ်ရှေ့တွင် မသင်္ကာဖွယ် ကားတစ်စီးရပ်ထားကြောင်း သတင်းရရှိသဖြင့် နယ်မြေခံလုံခြုံအဖွဲ့က စစ်ဆေးကြည့်ရှုရာ Mark II (အဖြူရောင်)ပေါ်တွင် Gas အိုးကြီး ၂ လုံး၊ ဓာတ်ဆီ ၂ လီတာ၊ ရေသန့် ၂၀ လီတာ၊ ဓာတ်ခဲခြောက် ၅ လုံး၊ ယမ်းနဲ့ သံတိုသံစများထဲ့ထားတဲ့ ဟန်းကော ၁ လုံး၊ ဒီတိုနေတာ ၂ ချောင်း၊ Remote မိုင်းခွဲစက် ၁ လုံးတို့ဖြင့် ပြင်းအားမြင့် ဗုံးထောင်ထားသည့် Mark II ယာဉ်တစ်စီးအား အချိန်မီဖော်ထုတ် သက်မဲ့ပြုလုပ်ရှင်းလင်းနိုင်ခဲ့ကြောင်း သတင်းရရှိပါသည်။
KIA အကြမ်းဖက်သောင်းကျန်းသူများသည် ဆက်ကြေးပေးဆောင်ခြင်းမရှိသော Hotel, KTV များနှင့် စီးပွားရေးလုပ်ငန်းရှင်များအား မိုင်းဖောက်ခွဲပြကာ အကြောက်တရားဖြင့် ဆက်ကြေးပေးဆောင်စေရန် ရည်ရွယ်လုပ်ဆောင်ခြင်းဖြစ် ကြောင်း သိရသည်။
ကား ဗုံးထောင်ထားသည့် ဖောက်ခွဲမှုအစီအစဥ်မှာ ပထမအဆင့်အနေနဲ့ ကားပေါ်မှာတင်ထားသော ဗုံးကို Remote ခွဲပြီး၊ ဒုတိယအဆင့် ကားပေါ်ရှိ Gas အိုး ၂ လုံးကို ထပ်မံကွဲစေကာ တတိ ယအဆင့်မှာ ကားပေါ်တင်ထားသည့် ရေနဲ့ ဓာတ် ဆီတို့ဖြင့် Gas ပေါက်ကွဲအားကို ပိုအားမြှင့်(Boster)လုပ်စေခြင်းဖြင့် ကားကိုယ်ထည်တစ်ခုလုံးကို ဗုံးစများ(Shrapnel)အဖြစ် နေရာအနှံ လွင့်ထွက်စေမည့် နည်းလမ်းကို အသုံးပြုထားကြောင်း သိရပါသည်။
#PAN