(နိုင်ငံတကာ) အောက်တိုဘာ ၁၈
ကမ္ဘာတစ်ဝန်းက ဆင်းရဲစွာနေထိုင်ရသူ ၁၀ ဦးအနက် ရှစ်ဦးဟာ အန္တရာယ်များတဲ့ သဘာဝဘေးဖြစ်စဉ်တွေနဲ့ ရင်ဆိုင်နေရတယ်လို့ ကုလသမဂ္ဂဖွံ့ဖြိုးတိုးတက်မှုအစီအစဉ်ကပြောပါတယ်။
အောက်တိုဘာလ ၁၇ ရက်က ထုတ်ပြန်ထားချက်အရ အဲဒီပမာဏဟာ ဆင်းရဲစွာနေထိုင်နေရတဲ့ လူဦးရေ ၈၈၇ သန်းနဲ့ညီမျှနေတယ်လို့ သိရပါတယ်။
ဆင်းရဲစွာနေထိုင်နေရသူတွေ နေထိုင်ရာဒေသတွေက မတူညီသောသဘာဝဘေးတွေကို ရင်ဆိုင်နေရသူတွေဖြစ်တယ်လို့ အောက်စဖို့ ဆင်းရဲမှုနဲ့ လူသားများဆိုင်ရာအစီအစဉ်နဲ့ ပူးတွဲထုတ်ပြန်ထားတဲ့ ကုလသမဂ္ဂရဲ့ ထုတ်ပြန်ချက်က ဖော်ပြထားပါတယ်။
ကမ္ဘာတစ်ဝန်းမှာ ဆင်းရဲစွာနေထိုင်ရသူ ၁ ဒသမ ၁ ဘီလီယံရှိပြီး အဲဒီအနက် ၈၈၇ သန်းဟာ အပူချိန် အလွန်အမင်းမြင့်တက်မှု၊ ရေကြီးမှု၊ မိုးခေါင်ရေရှားမှု ဒါမှမဟုတ် လေထုညစ်ညမ်းမှုတို့လို ပြင်းထန်တဲ့ ရာသီဥတုအခြေအနေတွေနဲ့ တွေ့ကြုံနေရတယ်လို့လည်း သိရပါတယ်။
ခုလို တွေ့ကြုံနေရသူတွေအနက် ၉၉ ဒသမ ၁ ရာခိုင် နှုန်းဟာ တောင်အာရှဒေသကဖြစ်ပြီး ၉၁ ဒသမ ၆ ရာခိုင်နှုန်းမှာ ပြင်းထန်တဲ့ သဘာဝဘေးအန္တရာယ် နှစ်မျိုးနဲ့အထက်ကို ရင်ဆိုင်နေရတယ်လို့ အဆိုပါ ထုတ်ပြန်ချက်မှာ ဖော်ပြထားပါတယ်။
အဲဒီအခြေအနေကို ကိုင်တွယ်ဖြေရှင်းနိုင်ရေးအတွက် ကမ္ဘာကြီးပူနွေးမှုကို ထိန်းချုပ်ရမည်ဖြစ်တယ်လို့ ကုလသမဂ္ဂဖွံ့ဖြိုးတိုးတက်မှုအစီအစဉ်ရဲ့ ယာယီအုပ်ချုပ်ရေးမှူးက ပြောထားတယ်လို့ သိရပါတယ်။
#PAN