(မှုခင်း) ဇန်နဝါရီ ၁၁
ရှမ်းပြည်နယ်မြောက်ပိုင်း မူဆယ်မြို့တွင် ကားနဲ့ဆိုင်ကယ် ယာဉ်တိုက်မှု ဖြစ်ပွားခဲ့ပြီး ဆိုင်ကယ်စီးလာသည့် ကလေး ၂ ဦး သေဆုံးခဲ့သည်ဟု လူမှုကူညီရေးအသင်းများထံမှ သိရသည်။
မူဆယ်မြို့ မင်္ဂလာမူဆယ်လမ်းမကြီးရှိ ၈ ထပ်တိုက်ရှေ့တွင် ဇန်နဝါရီလ ၁၀ ရက် နေ့လယ် ၂ နာရီခန့်အချိန်က ဖြစ်ပွားခဲ့သည်ဟုသိရသည်။
အဆိုပါယာဉ်တိုက်မှုကြောင့် ဆိုင်ကယ်မောင်းနှင်လာသည့် ကလေးငယ်တစ်ဦး ပွဲချင်းပြီး သေဆုံးခဲ့ကာ ဆိုင်ကယ်နောက်တွင်စီးလာသည့် ကလေးငယ်တစ်ယောက်မှာ ဆေးရုံအရောက်တွင် သေဆုံးသွားခဲ့ကြောင်း သိရသည်။
သေဆုံးသွားသည့် ကလေးနှစ်ယောက်မှာ မူဆယ်မြို့ ပန်ခမ်းကျေးရွာနှင့် နောင်ရမ်းရွာတို့တွင်နေထိုင်ကြသည့် အသက် ၁၃ နှစ်နှင့် ၁၆ နှစ်အရွယ်များဖြစ်ကြသည်ဟု ရွှေလင်းရောင် လူမှုကူညီရေးအသင်းမှ ပြောဆိုထားသည်။
#PAN #မူဆယ် #ယာဉ်တိုက်မှု