(အားကစား) နိုဝင်ဘာ ၅
အာနယ်ဆလော့ ဟာ ပရီးမီးယားလိဂ်ပွဲစဉ် ၁၀ ပွဲမှာ ရှစ်ပွဲ အနိုင်ရထားတဲ့ လီဗာပူးလ်အသင်း သမိုင်းတစ်လျှောက် ရလဒ်အကောင်းဆုံးနည်းပြသစ်အဖြစ် မှတ်တမ်းဝင်ခဲ့ပါတယ်။
လီဗာပူးလ်အသင်းက နိုဝင်ဘာလ ၂ ရက်က ယှဉ်ပြိုင်ကစားသည့် ပရီးမီးယားလိဂ်ပွဲစဉ်မှာ ဘရိုက်တန်အသင်း ကို ၂ဂိုး ၁ ဂိုးနဲ့ အနိုင်ရခဲ့ပြီးနောက် ယခုရာသီ ပရီးမီးယားလိဂ်ပွဲစဉ် (၁၀) အပြီးမှာ ရှစ်ပွဲအထိ အနိုင်ရကာ တစ်ပွဲသရေ၊ တစ်ပွဲရှုံး ရလဒ်ကိုရရှိခဲ့ထားတာ ဖြစ်ပါတယ်။
ယင်းရလဒ်မှာ လီဗာပူးလ်အသင်း နည်းပြသစ်များအနက် ပထမဆုံး ကိုင်တွယ်ရတဲ့ ပရီးမီးယားလိဂ်ပွဲစဉ် ၁၀ ပွဲမှာ ရလဒ်အကောင်းဆုံးအဖြစ် မှတ်တမ်းဝင်ခဲ့ခြင်း ဖြစ်ပါတယ်။
ဒါ့အပြင် လီဗာပူးလ်အသင်းက ပြိုင်ပွဲစုံ ၁၅ ပွဲယှဉ်ပြိုင်ကစားထားရာ ၁၃ ပွဲနိုင်၊ တစ်ပွဲသရေ၊ တစ်ပွဲရှုံး ရလဒ်ရရှိထားတာ ဖြစ်ပါတယ်။
Telegram»…
https://t.me/positiveanglenews