စက်တင်ဘာ ၁၈
စစ်ကိုင်းတိုင်းဒေသကြီးအတွင်း အေးချမ်းစွာနေထိုင်လုပ်ကိုင်စားသောက်လိုကြသော ဒေသခံပြည်သူများက အကြမ်းဖက် PDF များ၏ အကြမ်းဖက်လုပ်ရပ်များကို မနှစ်မြို့၊ လက်မခံကြတော့သဖြင့် ၎င်းတို့၏ သတင်းများကို နီးစပ်ရာ လုံခြုံရေးအဖွဲ့များသို့ လျှို့ဝှက်ပေးပို့လာကြရာ နယ်မြေလုံခြုံရေးအဖွဲ့များက လိုက်လံရှင်းလင်း နှိမ်နင်းလျှက်ရှိပါသည်။
ကောလင်းမြို့နယ်အတွင်း လူနေထိုင်ခြင်း မရှိသည့် အဆောက်အဦတွင် အကြမ်းဖက်သမားများ ခိုအောင်းနေကြောင်း တာဝန်သိပြည်သူများက သတင်းပေးပို့လာမှုကြောင့် နယ်မြေလုံခြုံရေးအဖွဲ့များက ယမန်နေ့ နံနက် ၉ နာရီအချိန်ခန့်တွင် သွားရောက်ရှင်းလင်းရာ အကြမ်းဖက်သမား အင်အား ၅ ဦးခန့်နှင့် ထိတွေ့မှုဖြစ်ပွားခဲ့ပြီး အကြမ်းဖက်သမားများ အရှေ့ဘက်သို့ ဆုတ်ခွာထွက်ပြေးသွားခဲ့သည်။
အကြမ်းဖက်သမားများ ဆုတ်ခွာရာအတိုင်း နယ် မြေလုံခြုံရေးအဖွဲ့များက ထပ်ကြပ်လိုက်လံရှင်းလင်းခဲ့ရာ အင်အား ၃၀ဦးခန့်နှင့် ထပ်မံထိတွေ့မှုဖြစ်ပွားခဲ့ပြီး အကြမ်းဖက်သမား PDF ၂ ဦးကိုလက်လုပ်သေနတ် ၁ လက်နှင့်အတူ အသေဖမ်း ဆီးရမိခဲ့ကြောင်း၊ နယ်မြေလုံခြုံရေးအဖွဲ့မှ စစ် သည် ၂ ဦးဒဏ်ရာရရှိခဲ့ကြောင်း သိရပါသည်။
အလားတူ ပင်လည်ဘူးမြို့ အရှေ့ဘက် မီတာ ၇၀၀၀ခန့်အကွာတွင် တပ်မတော်စစ် ကြောင်းနှင့် အကြမ်းဖက် PDF ၂၀ ဦးခန့်တို့ ယမန်နေ့က ထိတွေ့တိုက်ပွဲဖြစ်ပွားခဲ့ပြီး အကြမ်းညဖက်သမားများ ကစဥ်ကလျား ဆုတ်ခွာထွက် ပြေးသွားခဲ့ပြီး ၎င်းတို့ထံမှ အမ်(၂၂)သေနတ်- ၁ လက်၊ လက်လုပ်တစ်တောင့်ထိုးသေနတ်- ၁လက်၊အမ်(၂၂)ကျည်အိမ်- ၁ ခု၊ ကျည်- ၂၀ တောင့်၊လက်ပစ်ဗုံး- ၁ လုံး၊ လမ်းလျှောက်စကားပြောစက် – ၁လုံးတို့နှင့်အတူ အကြမ်းဖက်သမား PDF ၂ ဦးကို အသေဖမ်းဆီးရမိခဲ့ကြောင်း သိရှိရပါသည်။
ထိုနည်းတူစွာ ယမန်နေ့ နံနက် ၇ နာရီအချိန်ခန့်တွင် မြောင်မြို့နယ်၊ အညွန့်ကျေးရွာအနီးအကြမ်းဖက် သမား PDF များ ခိုအောင်းနေကြောင်း သတင်းအရ နယ်မြေလုံခြုံရေးအဖွဲ့များက သွားရောက်ရှင်းလင်းရာ အဆိုပါ အကြမ်း ဖက် PDF များနှင့် ထိတွေ့တိုက်ပွဲဖြစ်ပွားခဲ့ပြီး အကြမ်းဖက် PDF များထံမှ FGC-9 MK-II သေနတ် ၁ လက်၊ လက်လုပ်သေနတ် ၁ လက်တို့ကို သိမ်းဆည်းရမိခဲ့ကြောင်း သတင်းရရှိပါသည်။
(အဆိုပါဒေသများတွင် Internet မရသဖြင့် ဓာတ်ပုံများ မဖော်ပြနိုင်ကြောင်း အသိပေးအပ်ပါသည်)
#PAN