(ပြည်တွင်း) စက်တင်ဘာ ၁၀
မန္တလေးတိုင်းဒေသကြီး၊ ကျောက်ဆည်မြို့နယ်မှာ စားအုန်းဆီတစ်ပိဿာ ၈,၅၀၀ ကျပ်နှုန်းဖြင့် စားအုန်းဆီ အလေးချိန် ၃၉၈၁ ပိဿာကို ရောင်းချပေးခဲ့ကြောင်း သိရသည်။
ကျောက်ဆည်ခရိုင် ဆီကုန်သည်နှင့် ဆီလုပ်ငန်းရှင်များအသင်းနှင့် ခရိုင်စားသုံးသူရေးရာဦးစီးဌာနတို့ ပူးပေါင်း၍ ရောင်းချနေတာဖြစ်ပြီး ယနေ့ နံနက်ပိုင်းက စားအုန်းဆီ ၃၉၈၁ ပိဿာ ကို ရပ်ကွက် ၂ ရပ်ကွက်နှင့် ကျေးရွာ ၁၀ ရွာအား ရောင်းချပေးခဲ့ခြင်းဖြစ်ကြောင်း သိရသည်။
ထိုသို့ ရောင်းချပေးရာ၌ ဆီကုန်သည်နှင့် ဆီလုပ်ငန်းရှင်များအသင်းဝင် ဆီဆိုင်များဖြစ်သည့် ဦးတင်လင်းအောင် (အမေထွား)၊ ဒေါ်သင်ဇာအောင်(နေလသုခ-၁)၊ ဒေါ်သီတာ(စစ်ငြိမ်း)၊ ဦးနန်းဦး (နဒီဧရာ)နှင့် ဒေါ်စန်းစန်းဌေး(နေလသုခ-၂) ဆီအရောင်းဆိုင်များမှ အိမ်ထောင်စုတစ်စုလျင် စားအုန်းဆီ နှစ်ပိဿာ ငါးဆယ်ကျပ်သားနှုန်းဖြင့် ဒွေးလှ၊ ရွာတော်၊ အေးရွာ၊ သပြေကုန်း၊ ချောင်းဆုံ၊ အရှေ့သံရွာ၊ အနောက်သံရွာ၊ ချောင်းဆုံ၊ မြေစို၊ သင်ပျို ကျေးရွာများနှင့် ဖောင်ရွာ၊ ရဲစု ရပ်ကွက်များ တွင် ရောင်းချပေးခဲ့ကြောင်း သိရပြီး ကျန်ရှိသည့် ရပ်ကွက်၊ကျေးရွာများများမှ ပြည်သူများကိုလည်း ဆက်လက်ရောင်းချပေးသွားမည်ဖြစ်ကြောင်း စားသုံးသူရေးရာဦးစီးဌာနမှ သိရသည်။