(မှုခင်း) သြဂုတ် ၂၆
ရန်ကုန် -မန္တလေးအမြန်လမ်းမတွင် ယာဥ်တစ်စီး တိမ်းမှောင်မှုဖြစ်ပွားခဲ့ရာ ၄ဦး သေဆုံးကြောင်း အမြန်လမ်းမကြီးထိန်းသိမ်းပြုပြင်ရေးနှင့်ကြီးကြပ်ရေးအဖွဲ့ထံမှ သိရသည်။
သြဂုတ်လ ၂၆ရက် မွန်းလွဲ၂နာရီ၅၀မိနစ်အချိန်က ရန်ကုန် -မန္တလေးအမြန်လမ်းမ၊မိုင်တိုင်၂၆၇/၅-၂၆၇/၆အကြား၊ ရခိုင်တပ်တံတား မရောက်မီတွင် နေပြည်တော်ဘက်မှ မန္တလေးဘက်သို့ မောင်းနှင်လာသည့်ယာဉ်မောင်းအပါအဝင် အမျိုးသား၂ဦး၊အမျိုးသမီး ၅ဦး စုစုပေါင်း (၇)ဦး လိုက်ပါလာသည့် RLG နံပတ် Nissan X-TRAIL ယာဉ်သည် အရှိန်မထိန်းနိုင်ဘဲ တံတားအဝင်တွင်ကာရံထားသောကွန်ကရစ်နံရံအား တိုက်မိပြီး လမ်းလယ်ကျွန်းတွင် တိမ်းမှောက်ခဲ့သည်။
အဆိုပါ ယာဥ်တိမ်းမှောက်မှုကြောင့် ယာဉ်မောင်းအမျိုးသား ၁ဦး နှင့် အမျိုးသမီး ၃ဦး၊ စုစုပေါင်း ၄ဦးမှာအခင်းဖြစ်ပွားသည့် နေရာတွင် သေဆုံးခဲ့ပြီး ကျန်အမျိုးသား ၁ဦးနှင့် အမျိုးသမီး ၂ဦးမှာ ထိခိုက်ဒဏ်ရာများ အသီးသီး ရရှိခဲ့ကြောင်း သိရသည်။
အမြန်လမ်းအသုံးပြုသည့် ယာဉ်မောင်းများ အနေဖြင့် မိမိယာဉ်၏ ကြံ့ခိုင်မှုအား လမ်းပေါ်မရောက်မီ သေချာစွာ စစ်ဆေးကြရန်လိုအပ်ပြီး ယာဉ်အမျိုးအစား အလိုက် သတ်မှတ်အမြန်နှုန်းထက် ပိုမမောင်းကြပါရန်၊ မှန်လုံခရီးသည် တင်ယာဥ်ကြီးများ 90 km/hr၊ လူစီးယာဥ်ငယ်များမှာ 100 km/hr ၊ ကုန်တင်ယာဥ်+ပစ်ကပ်ယာဥ်များ မှာ 60km/hr နှုန်းသာ အများဆုံးမောင်းနှင်ကြပါရန် အမြန်လမ်းမကြီးထိန်းသိမ်းပြုပြင်ရေးနှင့်ကြီးကြပ်ရေးအဖွဲ့မှ အသိပေးထုတ်ပြန်ထားသည်။
Telegram – t.me/positiveanglenews
#PAN