(နိုင်ငံတကာ) ဇူလိုင် ၂၀
အင်ဒိုနီးရှားနိုင်ငံ၊ တောင်ဆူလာဝေစီပြည်နယ်ကမ်းလွန်ပင်လယ်ပြင်တွင် ဇူလိုင်၁၅ ရက် ခရီးသည်နှင့် သင်္ဘော သား ၇၈ ဦး တင် ဆောင်လာသည့် KM Nurul Salsa သင်္ဘော နစ်မြုပ်ခဲ့ပြီးနောက် ရှာဖွေကယ်ဆယ်ရေးအဖွဲ့များက အသက်ရှင်ကျန်ရစ်သူများကို အလုအယက် ရှာဖွေလျက်ရှိသည်။ လက်ရှိတွင် နောက်ထပ် (၇) ဦးကို အသက်ရှင်လျက် ကယ်ဆယ်နိုင်ခဲ့ပြီဖြစ်သော်လည်း ပျောက်ဆုံးနေသူ ၁၈ ဦးမှာ ရှိနေဆဲဖြစ်သည်။
အဆိုပါသင်္ဘောသည် ဗုဒ္ဓဟူးနေ့က ဂျမ်ပီယာ(Jampea) ကျွန်းမှ ဆယ်လာယာကျွန်းသို့ သွားရောက်စဉ် စက်ချို့ယွင်းမှုဖြစ်ကာ ဆိပ်ကမ်းမှ ၇၉ ကီလိုမီတာအကွာ၌ နစ်မြုပ်သွားခြင်းဖြစ်သည်။ သင်္ဘောနစ်မြုပ်ချိန်တွင် ခရီးသည်နှင့် သင်္ဘောသား ၇၈ ဦး လိုက် ပါလာခဲ့သည်။
အသက်ရှင်ကျန်ရစ်သူများ၏ ပြောကြားချက်အရ သင်္ဘောနစ် မြုပ်ချိန်တွင် ၎င်းတို့သည် ရေဂါလံပုံးများ၊ ဖော့တုံးအပိုင်းအစများနှင့် ကြိုးများကို အသုံးပြုကာ အသက်ကယ်ပစ္စည်းများအဖြစ် ပြုလုပ်ပြီး ရေပေါ်တွင် မျောပါရခဲ့ကြရကြောင်း သိရသည်။
သင်္ဘောနစ်မြုပ်ပြီး နောက်တစ်ရက်တွင် လူ ၄၇ ဦးကို ကယ် ဆယ်နိုင်ခဲ့ပြီး ယခုနောက်ဆုံး အခြေအနေအရ (၇) နှစ်အရွယ် မိန်းကလေးငယ်တစ်ဦးအပါအဝင် နောက်ထပ် (၇) ဦးကို ထပ်မံတွေ့ရှိခဲ့သည်။ သို့သော် ကယ်ဆယ်ရသူအချို့၏ အဆိုအရ ၎င်းတို့အုပ်စုထဲမှ ၄ ဦးမှာ သေဆုံးသွားခဲ့ကြောင်း သိရသည်။
ပျောက်ဆုံးနေသူ ၁၈ ဦးကို ရှာဖွေရန်အတွက် သင်္ဘောကြီး ၅ စင်း၊ ကင်းထောက်လေယာဉ်နှင့် ရဟတ်ယာဉ်တစ်စင်းတို့ကို အသုံးပြုကာ ကျယ်ကျယ်ပြန့်ပြန့် ရှာဖွေလျက်ရှိသည်။
ကျွန်းပေါင်း ၁၇,၀၀၀ ကျော်ရှိသည့် အင်ဒိုနီးရှားနိုင်ငံတွင် သင်္ဘောဖြင့် ခရီးသွားလာမှုမှာ အဓိက သယ်ယူပို့ ဆောင်ရေးပုံစံဖြစ်သော်လည်း၊ လုံခြုံရေးစံနှုန်းများ အား နည်းခြင်းနှင့် လူဦး ရေထက် ကျော်လွန်တင်ဆောင်ခြင်းများကြောင့် မကြာခဏဆိုသလို သင်္ဘောနစ်မြုပ်မှုများ ဖြစ်ပွားလျက်ရှိသည်။ ယခုလအစောပိုင်းကလည်း ဘာလီကျွန်းအနီးတွင် သင်္ဘောနစ်မြုပ်မှုကြောင့် လူ ၆ ဦး သေဆုံးပြီး အများအပြား ပျောက်ဆုံးခဲ့ရသေးသည်။
Telegram»… https://t.me/positiveanglenews
#PAN