(မှုခင်း) ဇူလိုင် ၈နေပြည်တော်
ပျဥ်းမနားမြို့နယ် ကင်ပွန်းတန်းအုပ်စု မြို့ရှောင်လမ်းဘေး PeroSeven စက်သုံးဆီဆိုင်အနီးတွင် အိုးဝေမောင်းသူ ၄ဦး ဓားဖြင့် ခုတ်ခံရကြောင်းသိရသည်။
ဇူလိုင်လ ၇ရက် ည၆နာရီခွဲအချိန်က ပျဥ်းမနားမြို့နယ်၊ မြို့ရှောင်လမ်းဘေး PeroSeven စက်သုံးဆီဆိုင်အနီးတွင် အိုးဝေယာဥ်မောင်းများဖြစ်သည့် ဦးတင်စိုးလှိုင်၊ ဦးဇင်မောင်မောင်လွင်၊ဦးကျော်ကျော်နှင့် ဦးရဲထက်အောင်တို့ ၄ဦးသည် အချင်းချင်းနောက် ပြောင်သည်ကို ဇေယျာသီရိမြို့နယ် အိုင်စောက်ကျေးရွာနေသူများဖြစ်သည့် မျိုးမင်းဦး၊ ၂၄-နှစ်၊ (ဘ)ဦးသိန်းဇော်၊ အငယ်လေး၊ ၂၅-နှစ်ခန့်၊ (ဘ)ဦးညွန့်ဝင်း၊ ဆံရှည်(ခ)ဇော်ထွန်း၊ ၃၈-နှစ်၊ (ဘ)ဦးမြသိန်းတို့မှ ၎င်းတို့အား နောက်ပြောင်သည်ထင်ပြီး ဓါးများနှင့်ဝိုင်းဝန်းခုတ်ခဲ့ကြောင်း သိရသည်။
အဆိုပါ ဝိုင်းဝန်းဓားခုတ်ခံရမှုကြောင့် တင်စိုးလှိုင်၊ ၃၀-နှစ်၊ (ဘ)ဦးခင်မောင်၊ အိုးဝေမောင်း၊ ဥယျာဉ်စုကျေးရွာ၊ ပျဥ်းမနားမြို့နယ်နေသူတွင် ဦးခေါင်း(၁)လက်မခန့်ပြတ်ရှဒဏ်ရာ(၁)ချက်၊ ယာတံတောင်ဆစ်(၁)လက်မ ခန့်ပြတ်ရှဒဏ်ရာ(၁)ချက်၊ ဝဲလက်ခလယ်၊ ဝဲလက်သူကြွယ်၊ ဝဲလက်သန်း ပြတ်ရှဒဏ်ရာ၊ ဇင်မောင်မောင်လွင်၊ ၃၀-နှစ်၊ (ဘ)ဦးတင့်လွင်၊ အိုးဝေမောင်း၊ ကြံဖိုစုတဲကုန်းကျေးရွာ၊ ပျဥ်းမနားမြို့နယ်နေသူတွင် ယာလက် မောင်း(၁)လက်မခန့် ပြတ်ရှဒဏ်ရာ(၂)ချက်၊ ဝဲလက်ဖျံပြတ်ရှဒဏ်ရာ(၁)ချက်၊ ယာပေါင်(၂) လက်မခန့်ပြတ်ရှဒဏ်ရာ(၁)ချက်၊ ယာလက်ပြင်(၂)လက်မခန့် ပြတ်ရှဒဏ်ရာ(၁)ချက်၊ ကျော်ကျော်၊ ၂၈-နှစ်၊ (ဘ)ဦးမြင့်အောင်၊ အိုးဝေမောင်း၊ ရုံးပင်စောင်းကျေးရွာ၊ ဇေယျာသီရိမြို့နယ်နေသူတွင် ယာနံကြားထိုးသွင်းဒဏ်ရာ(၁)ချက်၊ ယာလက်ဖျံထိုးသွင်းဒဏ်ရာ(၁)ချက်၊ ယာလက်မောင်းပြတ်ရှဒဏ်ရာ(၁)ချက်၊ ယာတင်ပါးဆုံ ပြတ်ရှဒဏ်ရာ(၁)ချက်နှင့် ရဲထက်အောင်၊ ၃၀-နှစ်၊ (ဘ)ဦးလှရွှေ၊ အိုးဝေမောင်း၊ ဦးကျေးရွာ၊ ပျဥ်းမနားမြို့နေသူမှာ ဝဲလက်ဖျံ(၄) လက်မခန့် ပြတ်ရှဒဏ်ရာ(၁)ချက် အနက်(၁)လက်မခန့်၊ လည်ပင်းဝဲဘက်(၆)လက်မခန့် ပြတ်ရှဒဏ်ရာ(၁)ချက် အနက်(၂)လက်မခန့်တို့ ရရှိခဲ့ကြောင်း သိရသည်။
အဆိုပါ ဓားခုတ်ဒဏ်ရာရရှိသူ တင်စိုးလှိုင်နှင့် ဇင်မောင်မောင်လွင်တို့အား ပျဥ်းမနားမြို့နယ် ခုတင်(၂၀၀)ဆေးရုံသို့ လည်းကောင်း၊ ကျော်ကျော်နှင့် ရဲထက်အောင်တို့အားနေပြည်တော် ခုတင်(၁၀၀၀)ပြည်သူ့ဆေးရုံသို့ (စိုးရိမ်ရ/အတွင်းလူနာ)အဖြစ်လည်းကောင်း ပို့ဆောင် ဆေးကုသမှုခံလျက်ရှိကြောင်း သိရသည်။
ဆက်လက်ပြီး ဓါးများနှင့် ဝိုင်းဝန်းခုတ်/ထိုးခဲ့သည့် မျိုးမင်းဦး၊ အငယ်လေးနှင့် ဆံရှည်(ခ) ဇော်ထွန်းတို့အား မြို့မရဲစခန်း(ပ)၂၁၅/၂၀၂၆၊ ရာဇသတ်ကြီးပုဒ်မ-၃၂၆/၃၂၄/၁၁၄ ဖြင့် အမှုဖွင့်ထားရှိပြီး တရားခံများအား ဖမ်းဆီးရမိရေး ဆောင်ရွက်လျက်ရှိကြောင်း သိရသည်။
#PAN