(ပြည်တွင်း) ဇွန် ၂၇
တိုင်းရင်းသားလက်နက်ကိုင်များအနေဖြင့် တိုက်ခိုက်မှုများကို ရပ်တန့်ရန် အမှန်တကယ် သန္နိဋ္ဌာန်ချမှတ်ဆောင် ရွက်မည်ဆိုပါက ချက်ချင်းလက်ငင်း ငြိမ်းချမ်းရေး ရရှိနိုင်ကြောင်းနှင့် တိုင်း ရင်းသားလက်နက်ကိုင်အဖွဲ့အစည်းများ (EAOs) အားလုံး ကြို တင်သတ်မှတ်ချက်မရှိဘဲ ငြိမ်းချမ်းရေးဆွေးနွေးပွဲများတွင် ပါဝင်ကြရန် နိုင်ငံတော်အစိုးရ၏ ဖိတ်ခေါ်ချက်ကို နိုင်ငံတော်သမ္မတ ဦးမင်းအောင်လှိုင်က ထပ်လောင်းအတည်ပြု ပြောကြား လိုက်သည်။
နေပြည်တော်ရှိ နိုင်ငံတော်သမ္မတရုံး၌ ကျင်းပပြုလုပ်သည့် နယ်စပ်ဒေသနှင့် တိုင်းရင်းသားလူမျိုးများ၏ ဖွံ့ဖြိုးတိုးတက်မှု အကောင်အထည်ဖော်ရေး ဗဟိုကော်မတီအစည်း အဝေးတွင် နိုင်ငံတော်သမ္မတက ၅ နှစ်အတွင်း တစ်နိုင်ငံလုံး ငြိမ်းချမ်းရေး ပြန်လည်ရရှိစေရန် ကြိုးပမ်းသွားမည်ဖြစ်ကြောင်းနှင့် အစိုးရ၏ ရက်ပေါင်း ၁၀၀ လုပ် ငန်းစီမံချက်ကြောင့် ငြိမ်းချမ်းရေးလုပ် ငန်းစဉ် ကန့်သတ်ချက်ရှိနေသည်ဟူသော ယူဆချက်များကို ပယ်ချခဲ့သည်။
ဆက်လက်ဖြစ်ပွားနေသည့် လက်နက်ကိုင်ပဋိပက္ခများသည် နိုင်ငံတော်တိုးတက်မှုအတွက် အကြီးမားဆုံး အတားအဆီးဖြစ်၍ ရေရှည်တည်တံ့သော ငြိမ်းချမ်းရေးရရှိရန် ရနိုင်သမျှ လမ်း ကြောင်းအားလုံးကို အသုံးပြုသွားမည်ဟု ဆိုသည်။
ကာလရှည်ကြာစွာ တိုက်ပွဲများဖြစ်ပွားနေခြင်းက တိုင်းရင်း သားဒေသအများစုတွင် လူမှုစီးပွားဘဝ တိုးတက်မှုကို နှောင့်နှေးစေခဲ့ပြီး၊ ခရီးသွားလာရခက်ခဲသော မြေမျက်နှာသွင်ပြင်၊ လမ်း ပန်းဆက်သွယ်ရေး အားနည်းမှု၊ ဆက်သွယ်ရေးကန့်သတ်ချက်များနှင့် အစိုးရ၏ ဝန်ဆောင်မှုများကို ရယူနိုင်မှု အကန့်အသတ်ရှိခြင်းတို့ကြောင့် ပညာရေး၊ ကျန်းမာရေးနှင့် စီးပွားရေးအခွင့် အလမ်းများ လျော့နည်းအားနည်းလာခြင်းကို ဖြစ်ပေါ်စေခဲ့ကြောင်း နိုင်ငံတော်သမ္မတက ထည့်သွင်းပြောကြားခဲ့သည်။
နိုင်ငံတော်အစိုးရ၏ နိုင်ငံရေးမျှော်မှန်းချက်ကို ထပ်လောင်းအတည်ပြုရာတွင် စစ်မှန်ပြီး စည်းကမ်းပြည့်ဝသော ပါတီစုံဒီမိုကရေစီစနစ်နှင့် ဒီမိုကရေစီနှင့် ဖက်ဒရယ်စနစ်တို့ကို အခြေခံသည့် ပြည်ထောင်စုကို တည်ဆောက်လျက် ငြိမ်းချမ်းတည်ငြိမ်သည့် ဒီမိုကရေစီနိုင်ငံတော်တစ်ရပ် ဖြစ်လာစေရေးအတွက် ဆက်လက်ကတိပြုထားဆဲဖြစ်ကြောင်း ၎င်းက ပြောကြားခဲ့သည်။
ထိုရည်မှန်းချက်များ အောင်မြင်ရန်အတွက် နယ်စပ်ဒေသများနှင့် နိုင်ငံ၏ အခြားဒေသများအကြား ဖွံ့ဖြိုးတိုးတက်မှု ကွာဟ ချက်ကို လျှော့ချရန် လိုအပ်ကြောင်း ၎င်းက အလေးအနက်ပြောကြားခဲ့သည်။ ဝေးလံခေါင်သီသော နယ်စပ်ဒေသများသာမက မြို့ပြဗဟိုချက်များနှင့် နီးစပ်သည့် အချို့သောဒေသများသည်ပင် ဖွံ့ဖြိုးတိုးတက်မှု၌ နောက်ကျကျန်နေဆဲဖြစ်သဖြင့် အစိုးရအနေ ဖြင့် ပိုမိုဂရုစိုက်ရန် လိုအပ်ကြောင်း ၎င်းက မှတ်ချက်ပြုခဲ့သည်။
ထို့ပြင် ဒေသန္တရဖွံ့ဖြိုးရေးအတွက် ၂၀၂၆-၂၀၂၇ ဘဏ္ဍာ ရေးနှစ်တွင် နယ်စပ်ဒေသဖွံ့ဖြိုးရေး ဆပ်ကော်မတီ ၇ ခုသို့ ငွေကျပ် ၁.၃၉၇ ထရီလီယံနှင့် ဒေသဆိုင်ရာလုပ်ငန်းကော်မတီ ၉ ခုသို့ ငွေကျပ် ၆၄၃.၆၈ ဘီလီယံ (စုစုပေါင်း ကျပ် ၂ ထရီလီယံကျော်) ကို ခွဲဝေချထားပေးခဲ့သည်။
အစည်းအဝေးတွင် ဗဟိုကော်မတီအတွင်းရေးမှူး နယ်စပ်ရေးရာဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ဖုန်းမြတ်က တရားဥပဒေစိုးမိုးရေး၊ အွန်လိုင်းလိမ်လည်မှု (ကျားဖြန့်) နှင့် မူးယစ်ဆေးဝါးမှောင်ခိုကူးမှု နှိမ်နင်းရေးလုပ်ငန်းများကို ရှင်းလင်းတင်ပြခဲ့သည်။
တပ်မတော်ကာကွယ်ရေးဦးစီးချုပ်က နယ်စပ်ကုန်သွယ် ရေးလမ်းကြောင်းများ ပြန်လည်ဖွင့်လှစ်ရန်နှင့် နယ်မြေစိုးမိုးမှုတိုးချဲ့ရန် ဆောင်ရွက်ချက်များကို တင်ပြခဲ့ပြီး၊ ဒုတိယသမ္မတ ဒေါ်နန်းနီနီအေးက တိုင်းရင်းသားကျောင်းများတွင် ဘာသာစကားအတား အဆီး ကျော်လွှားနိုင်ရေး ဒေသခံတိုင်းရင်းသား ဆရာ၊ ဆရာမများ ခန့်အပ်ရန် အရေးကြီးကြောင်း ဆွေးနွေးခဲ့ကြသည်။
နိဂုံးချုပ်အနေဖြင့် နိုင်ငံတော်သမ္မတက ဝေးလံခေါင်သီသောဒေသများရှိ ဆေးရုံများတွင် လုံလောက်သော ဆေးဘက်ဝန် ထမ်းများ ခန့်အပ်ရန်၊ ဝန်ထမ်းများကို ထောက်ပံ့ရန်နှင့် ဖွံ့ဖြိုးရေးစီမံကိန်းများ ဆောင်ရွက်ရာတွင် ဒေသခံတိုင်းရင်းသားလူ မျိုးစုများ၏ လိုအပ်ချက်များကို အနီးကပ် နားထောင်ကြရန် တာဝန်ရှိသူများအား လမ်းညွှန်မှာကြားခဲ့သည်။
အဆိုပါအစည်းအဝေးသို့ ဒုတိယသမ္မတ ဦးညိုစော၊ တပ်မတော်ကာကွယ်ရေးဦးစီးချုပ် ဗိုလ်ချုပ်ကြီး ရဲဝင်းဦး၊ ပြည် ထောင်စုဝန်ကြီးများနှင့် တိုင်းဒေသကြီးနှင့် ပြည်နယ် ဝန်ကြီး ချုပ်များ တက်ရောက်ခဲ့ကြသည်။
Telegram»…
https://t.me/positiveanglenews
#PAN