(နိုင်ငံတကာ) ဇွန် ၂၄
အမေရိကန် ကာကွယ်ရေးဝန်ကြီး ပိထ် ဟက်ဂ်ဆက်သ် (Pete Hegseth) နှင့် ပင်တဂွန်စစ်ဌာနချုပ်၏ နည်းပညာဆိုင်ရာ အရာ ရှိချုပ် အီမီလ် မိုက်ကယ် (Emil Michael) တို့သည် နယူးမက္ကဆီကိုပြည်နယ်၊ ဝှိုက်ဆန်းဒ်စ် ဒုံးကျည်ပစ်ခတ်မှုကွင်း (White Sands Missile Range) ၌ ပြုလုပ်ခဲ့သည့် စွမ်းအင်သုံး လမ်း ညွှန်လက်နက်များ (Directed-energy weapons) ဖြစ်သော လေဆာနှင့် မိုက်ခရိုဝေ့ဖ်လက်နက်များ တိုက်ရိုက်ပစ်ခတ် သရုပ် ပြသမှုကို ကိုယ်တိုင်ကိုယ်ကျ တက်ရောက်ကြည့်ရှုစစ်ဆေးခဲ့ကြောင်း သိရသည်။
ယခုဖြစ်စဉ်သည် အမေရိကန်စစ်ဘက် သမိုင်းတစ် လျှောက်တွင် တာဝန်ထမ်းဆောင်ဆဲ ကာကွယ်ရေးဝန်ကြီးတစ်ဦးအနေဖြင့် အဆင့်မြင့် လေဆာလက်နက် တိုက်ရိုက်ပစ်ခတ်မှုကို လူကိုယ် တိုင် လာရောက်စစ်ဆေးသည့် ပထမဆုံးသော ဖြစ်စဉ်အဖြစ် မှတ်တမ်းဝင်သွားခဲ့ကြောင်း စစ်ဘက်ဆိုင်ရာ သတင်းရင်းမြစ်များက ဖော်ပြသည်။
အဆိုပါ လက်နက်သရုပ်ပြသပွဲတွင် အေရိုဗိုင်းရွန်းမန့် (AeroVironment) ကုမ္ပဏီ၏ LOCUST စနစ်ကို အခြေခံထားသည့် စစ်တပ်သုံး ဘက်စုံသုံး စွမ်းအင်မြင့်လေဆာ (Army Multi-Purpose High Energy Laser) ကို ထုတ်ဖော်ပြသခဲ့သည်။ အဆိုပါ LOCUST စနစ်သည် ပြီးခဲ့သည့် အောက်တိုဘာ လအတွင်းက ပြုလုပ်ခဲ့သည့် စမ်းသပ်မှုများ၌ ယူအက်စ်အက်စ် ဂျော့ဂျ် အိတ်ချ် ဒဗလျူ ဘုရှ် (USS George H.W. Bush) စစ်ရေယာဉ်၏ ကုန်းပတ်ပေါ်မှနေ၍ ရန်သူ့ဒရုန်းအမြောက်အမြားကို အောင်မြင်စွာ ပစ်ချနိုင်ခဲ့သည့် စနစ်ဖြစ်သည်။
စွမ်းအင်သုံး လမ်းညွှန်လက်နက်များသည် ခေတ်သစ်စစ်ပွဲများတွင် အဓိကစိန်ခေါ်မှုဖြစ်လာသည့် ဒရုန်းရန်သူများကို အကုန်အကျသက်သာစွာဖြင့် ကြားဖြတ်ဟန့်တားနိုင်မည့် အနာ ဂတ် “အလွှာလိုက် ကာကွယ်ရေးစနစ်”(Layered defense)၏ အဓိကလက်နက်များ ဖြစ်လာသော်လည်း လက်ရှိအချိန်အထိ လက်တွေ့ကမ္ဘာတွင် ကျယ်ကျယ်ပြန့်ပြန့် ဖြန့်ကြက်နိုင်ခြင်း မရှိသေးပေ။
သို့သော်လည်း ခေတ်သစ်စစ်ပွဲဗျူဟာကို အပြောင်း အလဲလုပ်ရန် ကြိုးပမ်းနေသည့် ထရမ့်အစိုးရ၏ ဘဏ္ဍာရေးနှစ် ၂၀၂၇ ဘတ်ဂျက် အသေးစိတ်အစီအစဉ်တွင် ယခု စွမ်းအင်သုံး လမ်း ညွှန်လက်နက် သုတေသနနှင့် ဖွံ့ဖြိုးတိုးတက်ရေးအတွက် အမေရိကန်ဒေါ်လာ ၂ ဘီလီယံကျော်အထိ ကတိပြုလျာထားကြောင်း သိရသည်။
ထို့အပြင် ခန့်မှန်းခြေ ဒေါ်လာ ၁၇ ဘီလီယံခန့် ကုန်ကျမည့် ပထမဆုံးသော ထရမ့်အဆင့်မြင့် စစ်သင်္ဘော (Trump-class battleship)ပေါ်တွင် ၃၀၀ သို့မဟုတ် ၆၀၀ ကီလိုဝပ်အထိ ရှိနိုင်မည့် အပြင်းစား လေဆာလက် နက်ကြီးများကိုပါ တပ်ဆင်အသုံးပြုသွားရန် စီစဉ်နေ သည်။
အေရိုဗိုင်းရွန်းမန့် ကုမ္ပဏီ၏ ဒုတိယဥက္ကဋ္ဌ ဂျွန် ဂါရတီက ယခုကဲ့သို့ အစိုးရ၏ ဘတ်ဂျက်အင်တိုက်အားတိုက် ပံ့ပိုးမှုနှင့် နည်းပညာပိုင်း ရင့်ကျက်လာမှုတို့ပေါင်းစပ်ကာ အနာဂတ်တွင် အဆိုပါလေဆာလက်နက်များကို စစ်မြေပြင်၌ ပိုမိုကျယ်ပြန့်စွာ တပ်ဆင်အသုံးပြုနိုင်တော့မည်ဖြစ်ကြောင်း သုံးသပ်ပြောကြားခဲ့သည်။
Telegram»…
https://t.me/positiveanglenews
#PAN