(ပြည်တွင်း)ဇွန် ၂၀
မြန်မာနိုင်ငံ၏ ပင်လယ်စာအများဆုံး တင်ပို့ရာဒေသဖြစ်သည့် တနင်္သာရီတိုင်းဒေသကြီးသည် ပြီးခဲ့သည့် ၂၀၂၅- ၂၀၂၆ ဘဏ္ဍာရေးနှစ်အတွင်း ပြည်ပသို့ ရေထွက်ကုန် တင်ပို့မှုမှ အမေရိကန်ဒေါ်လာ ၂၈၇ ဒသမ ၉၇၁ သန်း ရရှိခဲ့ကြောင်း သိရသည်။
တနင်္သာရီတိုင်းဒေသကြီး၏ နှစ်အလိုက် ပင်လယ်စာတင်ပို့မှုရငွေများမှာ ၂၀၂၀-၂၀၂၁ ဘဏ္ဍာနှစ်တွင် ဒေါ်လာ ၃၁၂ ဒသမ ၅၂၅ သန်း၊ ၂၀၂၁-၂၀၂၂ တွင် ဒေါ်လာ ၂၇၂ ဒသမ ၀၂၆ သန်း၊ ၂၀၂၂-၂၀၂၃ တွင် ဒေါ်လာ ၂၃၂ ဒသမ ၁၈၉ သန်း၊ ၂၀၂၃-၂၀၂၄ တွင် ဒေါ်လာ ၂block-၃၅၅ သန်းနှင့် ၂၀၂၄-၂၀၂၅ တွင် ဒေါ်လာ ၃၀၃ ဒသမ ၆၂၈ သန်း အသီးသီး ရရှိခဲ့သည်။
ယခု ၂၀၂၅-၂၀၂၆ ဘဏ္ဍာနှစ်တွင် ယခင်နှစ်ထက် ပို့ကုန်ရငွေ အနည်းငယ် လျော့နည်းသွားရခြင်းမှာ ကမ္ဘာ့စီးပွားရေး အခြေ အနေများနှင့် သယ်ယူပို့ဆောင်ရေးကဏ္ဍတွင် ကြုံတွေ့ရသည့် စက်သုံးဆီရရှိမှု အခက်အခဲများကြောင့် ဖြစ်ကြောင်း သိရသည်။
လက်ရှိတွင် တနင်္သာရီတိုင်းဒေသကြီး မြိတ်မြို့မှ ထွက်ရှိသည့် ပုစွန်များကို ထိုင်းနိုင်ငံသို့ အရင် တင်ပို့ပြီး၊ ထိုမှတစ်ဆင့် တရုတ်နိုင်ငံသို့ လေကြောင်းဖြင့်လည်းကောင်း၊ ဂျပန်နိုင်ငံသို့ ရေကြောင်းဖြင့်လည်းကောင်း တင်ပို့လျက်ရှိသည်။
တိုင်းဒေသကြီး ငါးလုပ်ငန်းအဖွဲ့ချုပ် အတွင်းရေးမှူး ဦးသက်စိုးက “ငါးနဲ့ ပုစွန်တွေကို အေးခဲစနစ်အစား အရှင်အတိုင်း တင်ပို့နိုင်ရင် ဝင်ငွေ နှစ်ဆမက ပိုရနိုင်ပါတယ်။ ရေကြောင်းတစ်ခုတည်းကို အားကိုးမယ့်အစား လေ ကြောင်း ကုန်စည်ပို့ဆောင်ရေးနဲ့ တိုက်ရိုက်တင်ပို့နိုင်ရင် ပို့ကုန်ရငွေဟာ ၃ ဆကနေ ၄ ဆအထိ တိုးတက်လာနိုင်ပါတယ်။ ကုန်ကြမ်းကနေ တန်ဖိုးမြှင့်ထုတ်ကုန်တွေအဖြစ် ပြောင်းလဲပြီး လေကြောင်းတိုက်ရိုက် တိုးချဲ့ပို့နိုင်မယ်ဆိုရင် မြန်မာ့ရေထွက်ကုန်ကဏ္ဍ ခေတ်သစ်တစ်ခုကို ရောက်ရှိသွားမှာပါ” ဟု ပြောကြားခဲ့သည်။
ပြီးခဲ့သည့် ၂၀၂၅-၂၀၂၆ ဘဏ္ဍာနှစ်အတွင်း ရေလုပ်ငန်းမွေး မြူရေးကဏ္ဍ(Aquaculture) တစ်ခုတည်းမှ စုစုပေါင်း အမေရိကန်ဒေါ်လာ ၅၂ ဒသမ ၁၉၃ သန်း ရရှိခဲ့သည်။ ပုစွန်မွေးမြူရေး မှ ဒေါ်လာ ၄၈ ဒသမ ၀၀၃ သန်း၊ ငါးမွေးမြူ ရေး မှ ဒေါ်လာ ၂ ဒသမ ၀၃၂ သန်း၊ ဂဏန်းပျော့မွေးမြူ ရေး မှ ဒေါ်လာ ၁ ဒသမ ၆၈၉ သန်း၊ ခရုမွေးမြူရေး မှ ဒေါ်လာ ၀ ဒသမ ၄၂၄ သန်း၊ ရေမှော်မွေးမြူရေး မှ ဒေါ်လာ ၀ ဒသမ ၀၄၅ သန်း တို့ ဖြစ်ကြသည်။
လက်ရှိတွင် တနင်္သာရီတိုင်းအတွင်း ရေထွက်ကုန် ပိုမိုထုတ် လုပ်နိုင်ရန်၊ ဒေသတွင်း အလုပ်အကိုင် အခွင့်အလမ်းများ ဖန် တီးပေးရန်နှင့် ရေလုပ်သားမိသားစုများ၏ လူနေမှုဘဝ မြှင့်တင်ရန်အတွက် သက်ဆိုင်ရာဝန်ကြီးဌာနများနှင့် မြန်မာနိုင်ငံငါးလုပ် ငန်းအဖွဲ့ချုပ်တို့ ပူးပေါင်းကာ ရေလုပ်ငန်းမွေးမြူရေးကဏ္ဍ ဖွံ့ဖြိုးတိုးတက်အောင် ဆက်လက်ကြိုးပမ်းဆောင်ရွက်လျက်ရှိကြောင်း သိရသည်။
Telegram»…
https://t.me/positiveanglenews
#PAN