(ပြည်တွင်း)ဇွန် ၁
မြန်မာနိုင်ငံမြောက်ပိုင်း ရှမ်းပြည်နယ်အတွင်းရှိ တရုတ်နိုင်ငံနယ်စပ်အနီး ကောင်တပ်ကျေးရွာတွင် တနင်္ဂနွေနေ့က အကြီးစား ယမ်းဂိုဒေါင်ပေါက်ကွဲမှုတစ်ခု ဖြစ်ပွားခဲ့ရာ ကလေးငယ်များ အပါအဝင် ဒေသခံပြည်သူ အနည်းဆုံး ၅၅ ဦးအထိ သေဆုံးပြီး၊ လူ ၇၀ ကျော် ဒဏ်ရာပြင်းထန်စွာ ရရှိခဲ့ကြောင်း Al Jazeera သတင်းဌာနက ဖော်ပြထားသည်။
ပေါက်ကွဲမှုသည် မေလ ၃၁ ရက် (တနင်္ဂနွေနေ့) ဒေသစံတော်ချိန် မွန်းလွဲ ၁၂ နာရီခွဲခန့်တွင် အကြTမ်းဖက်သောင်း ကျန်းသူ NLA ထိန်းချုပ်ထားရာ ဒေသအတွင်း ဖြစ်ပွားခဲ့ခြင်းဖြစ်သည်။ အဆိုပါသတင်းဌာန၏ ဖော်ပြချက်အရ ၎င်းပေါက်ကွဲမှုကြောင့် ကလေးငယ် ၆ ဦးအပါအဝင် သေဆုံးသူအရေအတွက်သည် ၅၅ ဦးအထိ ရှိနေပြီဖြစ်ကြောင်း သိရသည်။
ပေါက်ကွဲမှုပြင်းအားကြောင့် အနီးနားရှိ နေအိမ်အဆောက် အအုံ အများအပြား လုံးဝပျက်စီးသွားခဲ့ပြီး ကယ်ဆယ်ရေးလုပ်ငန်းများကို အဆက်မပြတ် ဆောင်ရွက်နေရဆဲ ဖြစ်သည်။ လူမှုကွန်ရက်တွင် ပျံ့နှံ့နေသည့် ရုပ်သံဖိုင်များ၌ အလွန်ကြီးမား သော မီးခိုးလုံးကြီး မှုန်မှိုင်းစွာ တက်လာပြီးနောက် ထပ်ဆင့်ပေါက်ကွဲမှုများ ဆက်တိုက်ဖြစ်ပွားခဲ့သည်ကို တွေ့မြင်ရသည်။
အဆိုပါပေါက်ကွဲမှုနှင့် ပတ်သက်၍ TNLA ဘက်က ဖေ့စ်ဘွတ်ခ် (Facebook) မှတစ်ဆင့် တရားဝင်ထုတ်ပြန်ချက်တစ်ရပ် ထုတ်ပြန်ခဲ့ပြီး၊ ပေါက်ကွဲသွားသည့် ယမ်းဂိုဒေါင်အတွင်းရှိ ပေါက်ကွဲစေတတ်သော ပစ္စည်းများသည် ဒေသတွင်း သတ္တု တွင်းလုပ်ငန်းများတွင် အသုံးပြုရန် သိုလှောင်ထားခြင်း ဖြစ် ကြောင်း ဖော်ပြထားသည်။
အဆိုပါဒေသသည် ပတ္တမြားနှင့် တွင်းထွက်ရတနာများ ကြွယ်ဝသော သတ္တုတွင်းနယ်မြေတစ်ခု ဖြစ်သည်။ TNLA က ဖြစ်စဉ်ကြောင့် ဒေသခံပြည်သူများအကြား ထိခိုက်သေ ဆုံးသူ အမြောက်အမြား ရှိခဲ့ကြောင်း၊ ပေါက်ကွဲမှုဖြစ်ပွားရသည့် အကြောင်းရင်းကို စုံစမ်းစစ်ဆေးနေဆဲဖြစ်ကြောင်းပြောကြားခဲ့သည်။
Telegram»…
https://t.me/positiveanglenews
#PAN