(နိုင်ငံတကာ) ဧပြီ ၁၅
အမေရိကန်သမ္မတ ဒေါ်နယ်ထရန့်က ယခုအပတ်အတွင်း ပိတ်ဆို့ထားခဲ့သည့် အီရန်နိုင်ငံ၏ ဟော်မုဇ်ရေလက်ကြား (Strait of Hormuz) ကို “အပြီးတိုင်” ပြန်လည်ဖွင့်လှစ်ပေးတော့မည်ဖြစ်ကြောင်း ယနေ့တွင် ကြေညာလိုက်သည်။ ဤဆုံးဖြတ်ချက်ကြောင့် တရုတ်နိုင်ငံက အလွန်ဝမ်းမြောက်နေပြီး အပြန်အလှန်အား ဖြင့် ပေကျင်းက အီရန်သို့ လက်နက်များ ထောက်ပံ့နေခြင်းကို ရပ်တန့်ရန် သဘောတူညီခဲ့ကြောင်း သိရသည်။
သမ္မတထရန့်သည် ၎င်း၏ Truth Social လူမှုကွန် ရက်စာမျက်နှာမှတစ်ဆင့် ရေလက်ကြားပြန်ဖွင့်မည့်အစီအစဉ်ကို အတည်ပြုခဲ့ခြင်းဖြစ်သည်။ “ကျွန်တော် ဟော်မုဇ်ရေလက်ကြားကို အပြီးတိုင် ပြန်ဖွင့်ပေးတော့မယ့်အပေါ် တရုတ်နိုင်ငံက အလွန်ဝမ်းမြောက်နေပါတယ်။ ကျွန်တော် ဒါကို သူတို့အတွက်ရော၊ ကမ္ဘာကြီးအတွက်ပါ လုပ်ပေးတာပါ” ဟု ထရန့်က ရေးသားခဲ့သည်။
ထို့ပြင် တရုတ်သမ္မတ ရှီကျင့်ဖျင်ထံမှ “လှပသောစာတစ်စောင်” ရရှိခဲ့ပြီး အဆိုပါစာတွင် အီရန်သို့ လက်နက်များ ထောက်ပံ့ပေးနေခြင်းမရှိကြောင်း အာမခံချက်ပေးခဲ့သည်ဟု ထရန့်က ဆိုသည်။ လာမည့်သီတင်းပတ်အနည်းငယ်အတွင်း တရုတ်နိုင်ငံသို့ သွားရောက်မည့် ခရီးစဉ်တွင် သမ္မတရှီနှင့် ရင်းရင်း နှီးနှီး တွေ့ဆုံရန် မျှော်လင့်ထားကြောင်းလည်း ၎င်းက ဖြည့်စွက်ပြောကြားခဲ့သည်။
အမေရိကန်စစ်တပ်သည် ပြီးခဲ့သည့် ရက်ပိုင်းအတွင်းက အီရန်ဆိပ်ကမ်းများသို့ ဦးတည်သည့် ကုန်သွယ်ရေးသင်္ဘော ၆ စင်းကို အောင်မြင်စွာ လှည့်ပြန်ခိုင်းနိုင်ခဲ့ပြီး အီရန်၏ ပင်လယ်ရေကြောင်းကုန် သွယ်မှုကို အလုံးစုံ ရပ်တန့်စေခဲ့သည်ဟု ထုတ်ပြန်ထားသည်။ သို့သော် ယခုအခါ တရုတ်နိုင်ငံ၏ စွမ်း အင်လိုအပ်ချက်နှင့် ကမ္ဘာ့ရေနံစျေးကွက် တည်ငြိမ်ရေးအတွက် ရေလက်ကြားကို ပြန် လည်ဖွင့်လှစ်ပေးရန် အိမ်ဖြူတော်က ဆုံးဖြတ်ခဲ့ခြင်းဖြစ်သည်။
တရုတ်နိုင်ငံနှင့် ဆက်နွှယ်သည့် ဆိုင်ဘာတိုက်ခိုက်မှုများ အမေရိကန်အေဂျင်စီများအတွင်း ဖြစ်ပွားခဲ့ခြင်းနှင့် ပတ်သက်၍ မေးမြန်းရာတွင် ထရန့်က “ဒါက ဖြစ်နေကျပါပဲ။ တရုတ်ဆိုတာ တရုတ်ပါပဲ” ဟု ဆိုကာ ပေါ့ပေါ့ပါးပါးပင် တုံ့ပြန်ခဲ့သည်။ ၎င်းအနေဖြင့် တရုတ်အပေါ် အပြတ်သားဆုံး ဆက်ဆံသူဖြစ်သော် လည်း လက်ရှိတွင် ပူးပေါင်းဆောင်ရွက်မှုများ ကောင်း မွန်နေကြောင်း အခိုင်အမာ ပြောကြားခဲ့သည်။
ယခုဆုံးဖြတ်ချက်ကြောင့် ရက်ပိုင်းအတွင်း ထိုးတက်သွားခဲ့သည့် ကမ္ဘာ့ရေနံစျေးကွက်မှာ ပြန်လည်တည်ငြိမ်လာနိုင်ဖွယ်ရှိပြီး၊ အမေရိကန်-တရုတ် ဆက် ဆံရေးမှာလည်း အီရန်အရေးမှတစ်ဆင့် အလှည့်အပြောင်းသစ်တစ်ခုသို့ ရောက်ရှိလာနိုင်ကြောင်း လေ့ လာသူများက သုံးသပ်နေကြပါသည်။
#HormuzStrait #DonaldTrump #XiJinping #USChinaRelations #GlobalOilMarket #BreakingNews #PositiveAngleNews
Telegram»…
https://t.me/positiveanglenews
#PAN