(နိုင်ငံတကာ) ဧပြီ ၃
အမေရိကန်-အစ္စရေး မဟာမိတ်တပ်များနှင့် အီရန်တို့အကြား ဖြစ်ပွားနေသော စစ်ပွဲသည် ၆ ပတ်မြောက်အတွင်းသို့ ချဉ်းကပ်လာချိန်တွင် အီရန်စစ်တပ်က အမေရိကန်၏ အဆင့်မြင့်ဆုံး ပဉ္စမမျိုးဆက် F-35 Stealth တိုက်လေယာဉ် ဒုတိယတစ်စင်းကို ပစ်ချနိုင်ခဲ့ကြောင်း ယနေ့ (သောကြာနေ့) တွင် ကြေညာလိုက်သည်။
အီရန်အခြေစိုက် Mehr သတင်းဌာန၏ ဖော်ပြချက်အရ အဆိုပါ F-35 တိုက်လေယာဉ်ကို အီရန်အလယ်ပိုင်း ကောင်းကင်ယံတွင် ကြားဖြတ်ပစ်ချခဲ့ခြင်း ဖြစ် ကြောင်း သိရသည်။ “တိုက်လေယာဉ်ဟာ ပြင်းထန်စွာ ပေါက်ကွဲပျက်စီးသွားခဲ့တာကြောင့် လေသူရဲအနေနဲ့ အသက်ရှင်လွတ်မြောက်နိုင်ခြေ မရှိသလောက် နည်းပါးပါတယ်” ဟု အီရန်စစ်ဘက်ဆိုင်ရာ သတင်းရင်းမြစ်များက ဆိုသည်။ ဤသည်မှာ စစ်ပွဲကာလအတွင်း အီရန်က ပစ်ချနိုင်ခဲ့သည့် ဒုတိယမြောက် F-35 တိုက်လေယာဉ် ဖြစ်လာခဲ့သည်။
ယခုဖြစ်စဉ်နှင့် ပတ်သက်၍ အမေရိကန် အလယ်ပိုင်းစစ်ဌာနချုပ် (CENTCOM) ဘက်ကမူ တစ်စုံ တစ်ရာ အတည်ပြုချက် ထုတ်ပြန်ခြင်း မရှိသေးပေ။ သို့သော်လည်း ပြီးခဲ့သည့် မတ်လအတွင်းက ကူဝိတ်နိုင်ငံ ကောင်းကင်ယံတွင် အမေရိကန်၏ F-15E Strike Eagles တိုက်လေယာဉ် ၃ စင်းမှာ မဟာမိတ်ဖြစ်သူ ကူဝိတ်လေကြောင်းရန်ကာကွယ်ရေးတပ်၏ “အမှားအယွင်း ပစ်ခတ်မှု” (Friendly Fire) ကြောင့် ပျက်ကျခဲ့ရသည့် ဖြစ်စဉ်ရှိခဲ့ဖူးကြောင်း CENTCOM က ဝန်ခံထားသည်။
CENTCOM တပ်မှူး ဗိုလ်ချုပ်ကြီး ဘရတ် ကူးလ်ပါ (Brad Cooper) က ၎င်းတို့၏ “Operation Epic Fury” စစ်ဆင်ရေးသည် သိသာသော တိုးတက်မှုများ ရရှိနေပြီး အီရန်၏ လေကြောင်းရန်ကာကွယ်ရေးနှင့် ဒုံး ကျည်စနစ်များမှာ အတော်များများ ဖျက်ဆီးခံထားရပြီဖြစ်ကြောင်း မကြာသေးမီက ပြောကြားခဲ့သည်။ သို့သော်လည်း အီရန်ဘက်က ယခုကဲ့သို့ အဆင့်မြင့် Stealth တိုက်လေယာဉ်ကို ပစ်ချနိုင်ခဲ့ခြင်းမှာ အမေရိကန်၏ လေကြောင်းစိုးမိုးမှုအပေါ် မေးခွန်းထုတ်စရာ ဖြစ်လာစေသည်။
တိုက်လေယာဉ် ပစ်ချမှုနှင့်အတူ အီရန်တော်လှန်ရေးအစောင့်တပ် (IRGC) သည် အစ္စရေးနိုင်ငံအတွင်းရှိ တဲလ်အဗီးဗ် (Tel Aviv) နှင့် အီလတ် (Eilat) ဆိပ်ကမ်းမြို့တို့ကိုလည်း တာဝေးပစ်ဒုံးကျည်များဖြင့် တစ်ပြိုင်နက် ပစ်ခတ်တိုက်ခိုက်ခဲ့ကြောင်း ကြေညာခဲ့သည်။ ဤလုပ် ရပ်သည် အမေရိကန်နှင့် အစ္စရေးတို့၏ အီရန်အခြေခံအဆောက်အအုံများအပေါ် တိုက်ခိုက်မှုများအတွက် လက်စားချေတုံ့ပြန်ခြင်းဖြစ်သည်ဟု ဆိုသည်။
#F35Downed #IranUSWar #OperationEpicFury #TelAvivStrike #MiddleEastConflict #BreakingNews #PositiveAngleNews
Telegram»…
https://t.me/positiveanglenews
#PAN