(နိုင်ငံတကာ) ဧပြီ ၂
အမေရိကန်နှင့် အစ္စရေးတို့၏ ပြင်းထန်သော စစ်ရေးတိုက်ခိုက်မှုများအတွင်း အီရန်အဆင့်မြင့်ခေါင်း ဆောင်ပိုင်း ထိခိုက်ဒဏ်ရာရရှိနေသည်ဟူသော ကောလာဟလများကို တုံ့ပြန်သည့်အနေဖြင့် အီရန်အဓိကဘာသာရေးခေါင်းဆောင် အယာတိုလာ မိုဂျတာဘာ ခါမေနီ (Ayatollah Mojtaba Khamenei) သည် ကျန်းမာရေးအခြေအနေ အထူးကောင်းမွန်လျက်ရှိကြောင်း အီရန်နိုင်ငံခြားရေးဝန်ကြီးဌာနက တရားဝင်ထုတ်ပြန်ကြေညာလိုက်သည်။
အီရန်သတင်းဌာန (ISNA) ၏ ဖော်ပြချက်အရ နိုင်ငံခြားရေးဝန်ကြီးဌာနသည် ဗုဒ္ဓဟူးနေ့တွင် ထုတ်ပြန်ချက်တစ်ရပ် ထုတ်ပြန်ခဲ့ပြီး၊ ဘာသာရေးခေါင်း ဆောင် ခါမေနီသည် “ပြီးပြည့်စုံသော ကျန်းမာရေးအခြေအနေ” (Perfect Health) တွင် ရှိနေကြောင်း အတည်ပြုခဲ့သည်။ ၎င်းအနေဖြင့် အများပြည်သူရှေ့မှောက်သို့ ထွက်ပေါ်လာခြင်းမရှိသည့်အပေါ် ရှင်းလင်းရာတွင် လက်ရှိဖြစ်ပွားနေသော “စစ်ပွဲကာလအခြေအနေများ” ကြောင့် တင်းကျပ်သော လုံခြုံရေးလုပ်ထုံးလုပ်နည်းများကို လိုက်နာနေရခြင်းဖြစ်သည်ဟု ဆိုသည်။
မိုဂျတာဘာ ခါမေနီသည် ၎င်း၏ဖခင်ဖြစ်သူ အလီ ခါမေနီ (Ali Khamenei) ၂၀၂၆ ခုနှစ်၊ ဖေဖော်ဝါရီလ ၂၈ ရက်တွင် ကွယ်လွန်သွားပြီးနောက်၊ မတ်လ ၈ ရက်နေ့တွင် အီရန်၏ အမြင့်ဆုံးဘာသာရေးခေါင်းဆောင် (Supreme Leader) အဖြစ် တာဝန်ယူခဲ့သူဖြစ်သည်။ ယခုအခါ အချို့က “ရမ်ဇာန်စစ်ပွဲ” (Ramadan War) ဟု ခေါ်ဆိုကြသည့် ပြင်းထန်သော စစ်ရေးပဋိပက္ခကာလအတွင်း တိုင်းပြည်ကို လုံခြုံစိတ်ချရသော နေရာတစ်ခုမှနေ၍ ဦးဆောင်နေခြင်းဖြစ်ကြောင်း သိရသည်။
ကျန်းမာရေးသတင်းထုတ်ပြန်ချက်နှင့်အတူ အီရန်နိုင်ငံခြားရေးဝန်ကြီးဌာနက အမေရိကန်အစိုးရ၏ သံတမန်ရေးရာ ချဉ်းကပ်မှုများကိုလည်း ဝေဖန်ခဲ့သည်။ “ကမ္ဘာပေါ်မှာ ဘယ်သူကမှ အမေရိကန်ရဲ့ သံတမန်ရေးကို မယုံကြည်နိုင်တော့ဘူး” ဟု ထုတ်ပြန်ချက်တွင် ဖော်ပြထားပြီး၊ ဝါရှင်တန်သည် ၎င်းတို့၏ တောင်းဆိုချက်များကို အတင်းအကျပ်လက်ခံခိုင်းရန်အတွက်သာ ဆွေးနွေးပွဲများကို အသုံးချနေခြင်း ဖြစ် ကြောင်း စွပ်စွဲခဲ့သည်။
လက်ရှိစစ်ပွဲသည် အစ္စရေး၏ တိုက်တွန်းသွေးထိုးမှုကြောင့် အမေရိကန်က “ဆွဲသွင်းခြင်းခံရခြင်း” ဖြစ် သည်ဟု အီရန်က ရှုမြင်နေပြီး၊ မိမိကိုယ်ကို ခုခံကာကွယ်ရန်အတွက် အစွမ်းကုန် တုံ့ပြန်သွားမည်ဟု ဆိုသည်။ ဤထုတ်ပြန်ချက်သည် အမေရိကန်သမ္မတ ဒေါ်နယ်ထရန့်၏ “အီရန်ခေါင်းဆောင်အများစု သေ ဆုံးကုန်ပြီ” ဆိုသည့် မိန့်ခွန်းအပြီးတွင် ထွက်ပေါ်လာခြင်း ဖြစ်သောကြောင့် အီရန်အစိုးရ၏ ယန္တရား မပြိုလဲသေးကြောင်း ပြသလိုသည့်သဘောလည်း ဖြစ်သည်။
#AyatollahKhamenei #IranLeadership #WartimeSecurity #RamadanWar #IranWarLatest #BreakingNews #PositiveAngleNews
Telegram»…
https://t.me/positiveanglenews
#PAN