ဟေတီနိုင်ငံတွင် ဂိုဏ်းအုပ်စုများ၏ လက်စားချေတိုက် ခိုက်မှုကြောင့် အနည်းဆုံး လူ ၇၀ သေဆုံးပြီး ၃၀ ဒဏ်ရာရရှိကြောင်း လူ့အခွင့်အရေးအဖွဲ့ ထုတ်ပြန်

(နိုင်ငံတကာ) မတ် ၃၁

     ဟေတီနိုင်ငံ၏ အဓိကစိုက်ပျိုးရေးဒေသဖြစ်သော အာတီဘိုနိုက် (Artibonite) ဒေသ၊ ပီတစ်-ရီဗီယာ (Petite-Riviere) အနီးတွင် လက်နက်ကိုင်ဂိုဏ်းများ၏ တိုက်ခိုက်မှုကြောင့် အနည်းဆုံး လူပေါင်း ၇၀ ဦး သေ ဆုံးပြီး ၃၀ ဦး ဒဏ်ရာရရှိခဲ့ကြောင်း လူ့အခွင့်အရေးအဖွဲ့များက ထုတ်ပြန်လိုက်သည်။ ဤကိန်းဂဏန်းသည် အစိုးရကနဦးထုတ်ပြန်ထားသည့် သေဆုံးသူ ၁၆ ဦးထက် ၄ ဆကျော် ပိုမိုများပြားနေခြင်းဖြစ်သည်။
​
​     ဒေသခံများနှင့် တာဝန်ရှိသူများ၏ ပြောကြားချက်အရ တိုက်ခိုက်မှုသည် တနင်္ဂနွေနေ့ နံနက်အစောပိုင်းတွင် ဂျောင်-ဒန်းနစ် (Jean-Denis) ကျေးလက်ဒေသများ၌ စတင်ခဲ့ပြီး တနင်္လာနေ့အထိ ဆက်လက်ဖြစ်ပွားခဲ့သည်။ Gran Grif အမည်ရှိ ဂိုဏ်းဝင်များသည် ကျေး ရွာများအတွင်းသို့ ဝင်ရောက်စီးနင်းကာ နေအိမ်များကို မီးရှို့ဖျက်ဆီးခြင်းနှင့် လမ်းပေါ်ရှိ ပြည်သူများကို door-to-door (တစ်အိမ်တက်ဆင်း) လိုက်လံပစ်ခတ်ခြင်းများ ပြုလုပ်ခဲ့ကြသည်။ ဤဖြစ်စဉ်ကြောင့် အိမ် ခြေ ၅၀ ခန့် မီးလောင်ကျွမ်းခဲ့ပြီး ဒေသခံ ၂,၀၀၀ ကျော်မှာ ဘေးလွတ်ရာသို့ ထွက်ပြေးတိမ်းရှောင်နေကြရသည်။

     လူမှုကွန်ရက်ပေါ်တွင် ပျံ့နှံ့နေသော အသံဖိုင်တစ်ခုအရ ဤတိုက်ခိုက်မှုသည် Gran Grif ဂိုဏ်းခေါင်း ဆောင် လပ်ဆန် အီလန် (Luckson Elan) ၏ လက် ချက်ဖြစ်ကြောင်း သိရသည်။ ၎င်းက ၎င်းတို့ဂိုဏ်း၏ အခြေစိုက်စခန်းကို ပြိုင်ဘက်လက်နက်ကိုင်အုပ်စုက ဝင်ရောက်တိုက်ခိုက်ခဲ့မှုအပေါ် လက်စားချေသည့်အနေဖြင့် ယခုကဲ့သို့ အပြစ်မဲ့ပြည်သူများကို ပစ်မှတ်ထား တိုက်ခိုက်ခဲ့ခြင်းဖြစ်ကြောင်း ဝန်ခံထားသည်။

     ဟေတီအမျိုးသားရဲတပ်ဖွဲ့က သံချပ်ကာယာဉ် ၃ စီး စေလွှတ်ခဲ့သော်လည်း ဂိုဏ်းဝင်များက လမ်းပေါ်တွင် ကျင်းများတူး၍ ပိတ်ဆို့ထားသောကြောင့် အခင်းဖြစ်ပွားရာသို့ ရောက်ရှိရန် နှောင့်နှေးမှုများ ဖြစ်ပေါ်ခဲ့သည်။ “ဒေသတွင်းလုံခြုံရေးကို လက်နက်ကိုင်အုပ်စုတွေလက်ထဲမှာ ဒီအတိုင်းပစ်ထားတာဟာ အာဏာပိုင်တွေရဲ့ တာဝန်မဲ့မှုကို ပြသနေတာဖြစ်တယ်” ဟု Defenseurs Plus လူ့အခွင့်အရေးအဖွဲ့က ပြင်းထန်စွာ ဝေဖန်ခဲ့သည်။

     ၂၀၂၁ ခုနှစ်မှစ၍ ဟေတီတွင် လူပေါင်း ၂၀,၀၀၀ နီးပါး သတ်ဖြတ်ခံခဲ့ရပြီး ဂိုဏ်းအုပ်စုများမှာ အစိုးရထက် ပိုမိုအင်အားတောင့်တင်းလာနေသည်။ အမေရိကန်က Gran Grif နှင့် Viv Ansanm ဂိုဏ်းများကို “အကြမ်းဖက်အဖွဲ့အစည်း” များအဖြစ် သတ်မှတ်ထားပြီး ၎င်းတို့၏ ဘဏ္ဍာရေးဆိုင်ရာ သတင်းပေးနိုင်သူကို ဒေါ်လာ ၃ သန်း ဆုကြေးထုတ်ထားသည်။

     လက်ရှိတွင် ဟေတီပြည်သူ ၁.၄ သန်းကျော် (နိုင်ငံလူဦးရေ၏ ၁၂ ရာခိုင်နှုန်းခန့်) မှာ စစ်ဘေးရှောင်နေရပြီး စားနပ်ရိက္ခာနှင့် စီးပွားရေး အကျပ်အတည်းများ ဆိုးရွားစွာ ရင်ဆိုင်နေရသည်။

​#HaitiMassacre #GranGrif #ArtiboniteViolence #InternationalNews #HumanitarianCrisis #BreakingNews #PositiveAngleNews

Telegram»…
https://t.me/positiveanglenews

#PAN