အင်းစိန်လမ်းမပေါ်တွင် အမျိုးသားတစ်ဦး ထိုင်လျက်သေဆုံးနေ
**********
(ပြည်တွင်း) မတ် ၁၄
ရန်ကုန်တိုင်းဒေသကြီး၊ မရမ်းကုန်းမြို့နယ်၊ အမှတ် (၂) ရပ်ကွက်၊ အင်းစိန်လမ်းမပေါ်ရှိ “နဂါးရုံ” ဘတ်စ် ကားမှတ်တိုင်တွင် ယနေ့နံနက် (၈) နာရီဝန်းကျင်ခန့်က အသက် (၆၀) ဝန်းကျင်ခန့်ရှိ အမျိုးသားတစ်ဦးသည် မှတ်တိုင်ခုံတန်းလျားတွင် ထိုင်လျက်အနေအထားဖြင့် သေဆုံးနေသည်ကို လမ်းသွားလမ်းလာများက စတင်တွေ့ရှိခဲ့သည်။ ၎င်းသည် ပြင်ပဒဏ်ရာ တစ်စုံ တစ်ရာ မတွေ့ရဘဲ ငြိမ်သက်စွာ သေဆုံးနေခြင်း ဖြစ်သည်။
သတင်းရရှိပြီးနောက် နယ်မြေခံလူမှုကူညီရေးအသင်းတစ်ခုဖြစ်သည့် “ပုလဲဖြူ” လူမှုကူညီရေးအသင်း မှ စေတနာ့ဝန်ထမ်းများ ရောက်ရှိလာပြီး သေဆုံးသူ၏ ရုပ်အလောင်းကို လိုအပ်သည့် စစ်ဆေးမှုများ ပြုလုပ်နိုင်ရန်အတွက် အင်းစိန်ဆေးရုံကြီးသို့ ပို့ဆောင်ပေးခဲ့ကြသည်။
လက်ရှိတွင် သေဆုံးရသည့် အကြောင်းရင်းကို အတည်မပြုနိုင်သေးသော်လည်း ရုတ်တရက် နှလုံးရပ်ခံရခြင်း သို့မဟုတ် အခံရောဂါတစ်ခုခုကြောင့် ဖြစ်နိုင် သည်ဟု ယူဆရသည်။
သေဆုံးသူမှာ ဦးတင်အောင်၊ ၆၄ နှစ်၊ အမှတ် (၂) ရပ်ကွက်၊ မရမ်းကုန်းမြို့နယ်နေထိုင်သူဖြစ်ကြောင်း သိရသည်။ မိသားစုဝင်များ၏ အဆိုအရ အဘိုးဟာ ကျန်းမာရေး သိပ်မကောင်းဘဲ အပြင်ထွက်သွားရာကနေ အခုလို မှတ်တိုင်မှာ နားရင်းနဲ့ အသက်ရှူရပ်ပြီး ဆုံးပါးသွားခဲ့တာလို့ ယူဆရကြောင်း သိရပါသည်။
#PositiveAngle #YangonNews #Mayangone #InseinRoad #CommunityAlert #MyanmarToday #BreakingNews
Telegram»…
https://t.me/positiveanglenews
#PAN